Moskva Beynəlxalq Musiqi Evinin səhnəsində "Eşq üzərində qurulan dünya" musiqi kompozisiyası təqdim ediləcək.
Kulis.az rus mətbuatına istinadən xəbər verir ki, Moskvada keçirilən A.P.Çexov adına XV Beynəlxalq Teatr festivalında Xalq Artisti Alim Qasımovun ansamblı da iştirak edəcək. Festivalın mətbuat xidmətindən verilən məlumata görə qədim fars şairlərinin misralarına əsaslanan "Sevgi üzərində qurulan dünya" musiqi kompozisiyası 3 və 4 iyul tarixlərində Moskva Beynəlxalq Musiqi Evinin səhnəsində eşidiləcək.
Aqnsamblın tərkibində Xalq artisti Alim Qasımov, onun qızı əməkdar artist Fərqanə Qasımova və digər musiqiçilər olacaq.
Mətbuat xidbətindən həmçinin bildiriblər ki, ifa olunacaq muğamların mətn tərcümələrini rus dilində Rimma Kazakova və Yevgeny Yevtuşenkonun tərcümələrində oxumaq mümkün olacaq.
Alim Qasımov Muğam sənətini gətirdiyi xoşbəxt anları Moskva tamaşaçıları ilə bölüşmək gözəl hisdir deyə bildirib.
Xatırladaq ki, 1992-ci ildə yaradılan Çexov Beynəlxalq Teatr Festivalı bu il koronavirus pandemiyası səbəbindən formatını dəyişdirib. İki ay əvəzinə, demək olar ki, ilin sonuna qədər 14 may 2021-ci ilədək davam edəcək. Festivalın dünya seriyasına on ölkədən 12 tamaşa daxil edilib.
Festival Rusiya Federasiyası Mədəniyyət Nazirliyi və Moskva Mədəniyyət İdarəsi tərəfindən dəstəklənir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər