Kulis.az şair Qəşəm Nəcəfzadənin Xəzər rayon Mərkəzləşdirilmiş Kitabxana Sisteminin Mərkəzi Kitabxanasının təşkilatçılığı ilə keçirilən onlayn görüşündən yazdığı “Mən sənin şairinəm” adlı təəssürat yazısını təqdim edir.

Yaxşı bilirik ki, son dönəmlər televiziyalar ədəbiyyat verilişilərindən qəhrəmacasına azad edilib.
Ona görə gedişat tələb edir ki, hardasa bir yol bağlananda, ona alternativ yollar axtarılsın. Şübhəsiz ki, televiziyalara ən yaxşı alternativ yol internet televiziyaları, zomm proqramı, instagram və Feysbuk üzərindən canlı yayımlar açmaq bugünün özündə çox vacıb bir məsələdir və bu sahədə xeyli uğurlar əldə edilib.

Deyirlər, ən pis bir işində xeyirli tərəfləri var. Bəlkə də bu məsələnin, yəni internetlə canlı yayımların daha aktivləşməsi pandemiyanin bizə ən yaxşı diktəsidir.

Son vaxtlar ölkəmizin müxtəlif bölgələrində mənimlə belə internet üzərindən canlı görüşlər keçirilib və hesab edirəm ki, indiki dövr üçün bu çox əhəmiyyətli bir məsələdir. Yəni oxucular müxtəlif bölgələrdən səninlə bir başa canlı əlaqə qura bilir, suallaını verir. Daha burda ənənəvi televizyanın qayçısı yoxdur, redaktor və aparıcı xüdpəsəndliyi səni izləmir, çox sərbəst şəkildə oxucu da, şair də özünü ifadə edə bilir.

Bu günlərdə Bakı Şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin Mərkəzi Kitabxanası mövcud pandemiya vəziyyəti ilə əlaqədar olaraq sosial şəbəkələrdə mədəniyyət və incəsənət xadimləri ilə keçirdiyi görüşlərin növbəti qonağı mən oldum. Onlayın müzakirənin aparıcısı Nilufər Abdulla həyat və yaradıcılığım haqqında oxuculara geniş məlumat verdi, müasir ədəbi prosesdə baş verən yeniliklərdən danışdı. Məni sevindirən əsas cəhət o idi ki, müzakirəyə əksər kitabaxanalar qoşuldu, oxucular maraqlı suallar ünvanlandı. Bir növ kitabxana öz şairinə sahib çıxdı, sözə, ədəbiyyata dayaq oldu, onu oxu zallarına dəvət etdi. Bir şairin ətrafında kitabxanların birliyi göstərdi ki, bu cür görüşlər, ədəbiyyatımız üçün, oxu vərdişlərinin aşılanması üçün çox əhəmiyyətlidir. Mən titirdə yazılan oxucu fikirlərini, çöhrələrindəki sevinci gördükşcə, suallarını dinlədikcə, onlar üçün yeni şeirlərimi oxuduqca, üəyimdə hər bir oxucuya bir fikir baş qaldırdı:”Bəli, mən sənin şairinəm”.

• "Ac kölə ağası üçün təhlükəlidir..." - Mark Anney Lukandan sitatlar
• Fotoqrafiya və Kino Həvəskarları Dərnəyi quruluş ildönümünü qeyd edir
• “Breaking Away” filminin ulduzu vəfat etdi