Sosial şəbəkə istifadəçilərindən birinin 1999-cu ildə vəfat edən rejissor Stenli Kubrikin “Parıltı” filminin çəkilişi zamanı aktrisa Şelli Duvala necə işgəncə verdiyindən bəhs edən yazı paylaşıb.

Kulis.az xəbər verir ki, bu barədə "Medialeaks" nəşri məlumat yayıb. Bildirilib ki, Tvitterin ingiltərəli istifadəçilərindən biri səhifəsində rejissorun qeyri-adi iş üsullarından bəhs edən bir neçə yazı yerləşdirib.

Yazıda rejissorun mükəmməl səhnələrə nail olmaq üçün sənətçini eyni səhnənəyə 127 dəfə çəkilməyə məcbur etdiyi bildirilib. Bu, filmin qəhrəmanı Vendy Torrensin həyat yoldaşının beysbol çubuğu ilə döyməyə çalışdığı bir epizoddur: Deyilənə görə, “Ginnesin rekordlar kitabı"na düşən həmin səhnə üçün Duvall gündə 12 saat ağlayıb.

Şərhlərdə istifadəçilər Kubriki tənqid edərək onun bu davranışlarının aktrisaya qarşı təhqir kimi qiymətləndiriblər. Qeyd edək ki, Duval dörd il əvvəl özü bu barədə açıqlama vermişdi.

Stenli Kubrik film tarixinin ən məşhur rejissorlarından biridir, “Spartak”, “Şöhrət yolları”, “Parıltı”, “Lolita” və başqaları kimi filmlərin müəllifidir. Onun çəkdiyi “Parıltı” filmi dəfələrlə ən yaxşı qorxu filmləri siyahısına daxil edilib.

• Yasaq sevgi hekayəsi - Yeni serial
• "Belə hekayələrin yazılmasına ehtiyac var" - Müzakirə
• Virtual qara dəlik, insel və sevgisizlik - Uşaqlar qatilə necə çevrilir?