Kulis.az əslən Laçından olan şair Kamil Vəfadarın bir foto haqqında yazdığı yazını təqdim edir.

“Düz 30 ilin şəkilidi. 1991-ci ilin iyun ayında Laçın şəhərindəki məşhur "41-45 abidəsi”nə çıxmışdım ki, Laçının və ətrafının fotoşəkillərini hündürlükdən çəkim. Şəkildə gördüyünüz bu cavan oğlan da (təbii ki, o zamanla) orada idi. Əlimdə fotoaparatı görəndə mənə dedi ki, qardaş, mənim bir şəkilimi çək. Dedim, çəkməyinə çəkim, bir söz demirəm. Amma səni hardan tapıb şəklini verə bilərəm? Çək, qoy qalsın səndə, dünyanın işini nə bilmək olar, bəlkə bir gün rastlaşdıq? Mən də çəkdim.

Sonra heç qarşılaşmadıq, sonra da pərən-pərən olub, düşdük çöllərə. Başımıza nələr gəlmədi ki... İndi arxiv şəkillərimi araşdıranda qarşıma çıxdı. O günlərə qayıtdım - Laçınlı günlərə. Fikirləşdim ki, bu şəkli paylaşım, bəlkə rastına çıxar, ya kimsə tanıyanlardan görüb göndərər ona. Şəkilin əsli də məndədir. Nə vaxt qarşılaşsaq, verərəm özünə. Axı hər şəkil bir tarixdir. Həm də bir adam üçün yox, ən azı bir ailə, bir nəsil üçün. Sonda onu da deyim ki, adı yadımda deyil, Minkənddəndir, nağara çalandır. O vaxt mənə belə dedi.”

• Bu gün IX “Muğam” Televiziya Müsabiqəsi Ağdamda keçiriləcək
• "Dilində bal, ürəyində xəncərdir" - Yaxşı danışıqla borc ödəmək olar
• "Seyran Səxavətə beş dəqiqə azdı, o, altı dəqiqə danışacaq!" - Reportaj