Kulis.az şair, qəzəlxan Pünhan Əzimlinin son şeirini təqdim edir.

İndi addımlar ibadət sayılan xidmətdir
İndi xəncərlər ədalət dağıdan qüdrətdir
İndi torpaqlar iqamət yeri yox, cənnətdir
İndi hər yurd anadır, hər yan Azərbaycandır
İndi, məhz indi Azərbaycan Azərbaycandır!

İndi qeyrətlilərin nərəsi dünyanı tutub
İndi azadlığa çağrış səsi dünyanı tutub
İndi gur səsli zəfər nəğməsi dünyanı tutub
İndi şirtək oxuyan meydan Azərbaycandır
İndi, məhz indi Azərbaycan Azərbaycandır!

• "Səndə mənim cavanlığım qocalır..." - Günün şeiri
• Həyat yoldaşının gözü qarşısında sevgilisini evinə gətirən yazıçı
• İmperiyalara etiraz edən milliyyətçi yazıçı - İvo Andriç "Bosniya trilogiyası"nda nələri yazmışdı?

İndi gözlərdən ümidlər tökülür, yaş da gəlir
İndi qardaşının imdadına qardaş da gəlir
İndi A hərfi misalında adın başda gəlir
“Zər” vətən mülkü, “bay” əsgər, “can” Azərbaycandır
İndi, məhz indi Azərbaycan Azərbaycandır!

Mən də mənfur yağının dəfinə mənfur yağıyam
Mən də qardaşın itirmişlərə dərd ortağıyam
Mən də torpağımın axır bir ovuc torpağıyam
Sor məzarın deyəcək Pünhan Azərbaycandır
Hamı qoy görsün Azərbaycan Azərbaycandır

• "Səndə mənim cavanlığım qocalır..." - Günün şeiri
• Həyat yoldaşının gözü qarşısında sevgilisini evinə gətirən yazıçı
• İmperiyalara etiraz edən milliyyətçi yazıçı - İvo Andriç "Bosniya trilogiyası"nda nələri yazmışdı?