Dil və tərcümə sahəsinin təkmilləşdirilməsi, peşəkar tərcümə mütəxəssislərinin müəyyən edilməsi istiqamətində Dövlət Tərcümə Mərkəzi tərəfindən təşkil olunan növbəti Seçim Turları başa çatıb. Turlarda ictimai-siyasi, hüquq və media sahələri üzrə uğurlar əldə etmiş tərcümə mütəxəssisləri Mərkəzin sertifikatları ilə təltif edilib.

Mərkəzdən Kulis.az-a verilən məlumata görə, təqdimat mərasimində Mərkəzin İdarə Heyəti sədrinin müşaviri Püstə Axundova çıxış edərək turların başlıca məqsədinin ölkədə dil və tərcümə sahəsinin təkmilləşdirilməsi, peşəkar mütəxəssislərin aşkarlanması olduğunu, ərsəyə gətirilən işin müvafiq sahənin dirçəldilməsinə tədricən öz töhfəsini verdiyini bildirib. Püstə Axundova imtahan mərhələlərindən uğurla keçmiş və sertifikatlara sahib olmuş mütəxəssislərə dair informasiyaların Mərkəzin məlumat bazasına yerləşdiriləcəyini də qeyd edib.

Əli Müseyib oğlu Şükrü – hüquq sahəsinə dair mətn və materialların tərcüməsi (Azərbaycan-ingilis-Azərbaycan, fars-Azərbaycan-fars);

Emin Ramiz oğlu Şirinov – ictimai-siyasi sahəyə dair mətn və materialların tərcüməsi (ingilis-Azərbaycan);

Aygül Məhəmməd qızı Nəbiyeva – ictimai-siyasi sahəyə dair mətn və materialların tərcüməsi (ingilis-Azərbaycan);

Səidə Nəriman qızı Nurəliyeva – ictimai-siyasi sahəyə dair mətn və materialların tərcüməsi (Azərbaycan-ingilis-Azərbaycan);

Aysel Rafiq qızı Kərimli – ictimai-siyasi sahəyə dair mətn və materialların tərcüməsi (Azərbaycan-rus-Azərbaycan; ispan-rus-ispan);

Türkan İlyas qızı Əhmədova – ictimai-siyasi sahəyə dair mətn və materialların tərcüməsi (ispan-Azərbaycan);

Məhəmməd Zəfər oğlu Cəfərov – media sahəsinə dair mətn və materialların tərcüməsi (fars-Azərbaycan-fars);

Sevil Vaqif qızı Həsənova – media sahəsinə dair mətn və materialların tərcüməsi (Ukrayna-Azərbaycan);

Ülviyyə Nurəddin qızı Məmmədova – media sahəsinə dair mətn və materialların tərcüməsi (rus-Azərbaycan);

• "Bivəfasən, mələk olsan belə uymam daha, get!" - Hüseyn Cavidin sevgi şeirləri
• Acın ova, toxun Allaha getdiyi yer... - Qobustanla Göbəklitəpəni hansı sirr birləşdirir?
• "Qadınların əksəriyyəti qarşılarına çıxan ən pis "yanlış adam"la kifayətlənir..." - Elfrida Yelinekdən sitatlar