Azərbaycanlı rejissor, ssenarist Asif Rüstəmovun layihəsi "Roskino" tərəfindən seçilib.

Kulis.az xəbər verir ki, "Mərmər soyuğ" adlı filmi Rusiya və dünyanın bir çox ölkələrindən təqdim olunan filmlər arasından fərqləndirilib.

8-10 iyun tarixlərində rəqəmsal formatda təşkil ediləcək tədbirdə səkkiz fərqli ölkədən 17-si Rusiyadan olmaqla 26 ekran əsəri birgə istehsal sahəsindəki pitçinqdə iştirak edəcək. Tədbir çərçivəsində müəlliflər, rusiyalı prodüserlər ilə görüşə və birgə istehsal dəstəyi olan 10 milyon rubl (136,600 dollar) məbləği almaq şansına sahib olacaqlar.

• Rafiq Əzimov: "Dedi ki, bu, ermənini oynayır, ona görə əl çalırlar" - Müsahibə
• Əməkdar artist Akif Mirabov vəfat edib
• Qocalar evində yaşayan aktyordan açıqlama

Məlumat üçün qeyd edək ki, “Mərmər soyuğu” filmi Azərbaycan Respublikası Mədəniyyət Nazirliyinin dəstəyi ilə “Azərbaycanfilm” kinostudiyası və Fransanın “Arizona Productions” şirkətinin birgə istehsala qoşulması ilə ərsəyə gəlib. Film daha öncə “A” dərəcəli Tallin və Sofia Beynəlxalq Film Festivallarının layihə marketi platformalarına seçilib və pitçinqlərdə iştirak edib. Seçilən 26 layihə "Roskino"nun, Rusiya Mədəniyyət Nazirliyinin və prodüserlərin dəstəyini qazanacaq.

Qeyd edək ki, Asif Rüstəmov "Ev", "Axınla aşağı" filmlərinin müəllifidir. Ssenarist kimi bir neçə məşhur filmimizdə imzası var.

• Rafiq Əzimov: "Dedi ki, bu, ermənini oynayır, ona görə əl çalırlar" - Müsahibə
• Əməkdar artist Akif Mirabov vəfat edib
• Qocalar evində yaşayan aktyordan açıqlama