Azərbaycan Dövlət Akademik Milli Dram Teatrında N.V.Qoqolun eyniadlı pyesi əsasında, Sabit Rəhmanın tərcüməsində hazırlanan ikihissəli “Müfəttiş” tamaşası mayın 23-də sənət ocağının “facebook” hesabı vasitəsilə onlayn nümayiş ediləcək.
Səhnə əsərinin quruluşçu rejissoru Mikayıl Mikayılov, quruluşçu rəssamı Əməkdar mədəniyyət işçisi İlham Elxanoğlu, musiqi tərtibatçısı Kamil İsmayılovdur.
Tamaşa Mədəniyyət Nazirliyinin sifarişi ilə səhnələşdirilib.
- İndi tale tüfeylisidir vətəndə sevgilər... - Gülər Natiq İsaqın şeirləri
- Cazibəli rəqqasə yoxsa amansız ikili casus? - Edam zamanı əsgərlərə öpüş göndərən "Şəfəqin gözü"
- Qəbələ Beynəlxalq Musiqi Festivalı yekunlaşdı
Səhnə əsərində Xalq artistləri Ramiz Novruz, Rafiq Əzimov, Əməkdar artistlər Elşən Cəbrayılov, Şəlalə Şahvələdqızı, Nigar Güləhmədova, Kazım Həsənquliyev, Məzahir Cəlilov, Elxan Quliyev və digərləri çıxış edəcək. /azertag.az/