Mayın 2-də Bakıda “İlin şansonu” mükafatının təqdimat gecəsi keçiriləcək.

Kulis.az xəbər verir ki, “Radio Şanson”un mətbuat xidmətindən mediaya yayılan məlumata görə, Bakı Konqres Mərkəzində “Radio Şanson” tərəfindən təsis edilən ənənəvi “İlin şansonu” mükafatları laureatlara təqdim olunacaq. Məlumatda bildirilib ki, Rusiyanın çox populyar radiostansiyası bu cür vüsətli konserti ilk dəfədir təşkil edir.

Böyük konsert proqramının hazırlandığı təqdimatda Mixail Bublik, Tamara Qverdtsiteli, İrina Kruq, Denis Maydanov, Aleksandr Marşal, Taisiya Povali, Alyona Petrovskayaiştirak edəcəklər.

Qeyd edək ki, “İlin şansonu” mükafatı hər il müəllif musiqisi sahəsində xüsusi nailiyyətlərə görə təqdim edilir. Burada ilin ən yaxşı artistlərini və ən yaxşı mahnılarını ulduzlardan ibarət münsiflər heyəti deyil, radiodinləyicilərin özləri elan edirlər. Hər il bu ən təsirli janrın pərəstişkarları “Radio Şanson”da təşkil edilən xalq səsverməsi gedişində öz səslərini sevdikləri ifaçılara və mahnılara verirlər. “İlin şansonu” mükafatının ilk təqdimetmə mərasimi 2002-ci ildə Dövlət Kreml Sarayının səhnəsində təşkil edilib. O vaxtdan bəri Kremlin konsert zalı ənənəvi mərasimin keçirildiyi rəsmi məkana çevrilib.

• Məşhur aktyor vəfat etdi
• Dilimiz, qeyrətimiz, vətənimiz... - Şahın son vəsiyyəti
• Xanəndə Aqil Məlikov: "Ehsan vermək üçün bankdan kredit götürürlər" - Müsahibə