Məşhur komediya ustası Cem Yılmaz uzun fasilədən sonra "GORA" seriyasının davamı olan "GORA 4 GORA" adlı yeni filmi ilə gündəmdən düşmür.
Kulis.az xəbər verir ki, rəqəmsal platformalardan birində yayımlanacaq layihənin çəkilişləri bütün sürəti ilə davam edir.
Ekran işinin aktyor heyətində Bige Önal, Bora Akkaş, Burak Şafak, Bülent Şakrak, Can Yılmaz, İdil Sivritepe, Necip Memili, Nevcan Su Özel, Okan Çabalar, Özge Özberk, Uraz Kaygılaroğlu və Zafer Algöz kimi məşhur sənətçilər yer alır.
Arifin yeni macərası
Filmin süjet xəttinin mərkəzində Arifin həm oğlunun hörmətini yenidən qazanmaq, həm də Demonun alqoritmlərlə idarə etdiyi tiranlığı yıxmaq üçün çıxdığı yeni və təhlükəli macəra dayanır.
Rejissor kürsüsündəki sürpriz qonaq
Zaman-zaman çəkiliş meydançasından fotolar paylaşan Cem Yılmaz bu dəfə izləyicilərini fərqli bir kadrla sevindirib. Belə ki, onun Ahu Yağtu ilə evliliyindən dünyaya gələn 13 yaşlı oğlu Kamal atasına dəstək olmaq üçün çəkiliş meydançasına gəlib.
Məşhur komediya ustası oğlunun rejissor kürsüsündə əyləşdiyi anın fotosunu çəkərək sosial media hesabında izləyiciləri ilə bölüşüb.
Qeyd edək ki, bir neçə ay əvvəl Kamalın orta məktəbdən məzun olma xəbəri də mediada maraqla qarşılanmışdı.
