Danimarkalı rejissor Lars fon Trier yeni filmi “Nimfoman”dakı obrazların afişalarını ictimaiyyətə təqdim edib. Kulis.Az-ın xəbərinə görə obrazların adı ilə çap olunan 14 afişa hər bir obrazın orqazm anını əks etdirir.

L. Trierin son iki filmində rol alan Şarlotta Qainsburq, Uma Turman, Kristian Slater də filmdə çəkiliblər. Ulduz aktyorların real seks səhnələri texnologiyanın və dublyorların köməyi ilə çəkiləcək.

Əsas obraz Joenun (Şarlotta Qainsburq) cinsi həyatı üzərində qurulan film “softcore” (erotik) və “hardcore” olmaqla iki ayrı versiya ilə nümayiş olunacaq. Filmin premyerasını dekabr ayında Danimarkada təşkil olunacaq. Film eyni zamanda “Kann” Film Festivalında da göstəriləcək.

Lars fon Trier sonuncu dəfə “Kann” Film Festivalında 2011-ci ildə “Melanxoliya” filmi ilə iştirak edib. Filmin mətbuat konfransında çıxış edən Lars fon Trier antisemit olmadığını, amma Adolf Hitlerə simpatiya bəslədiyini və müəyyən mənada özünü nasist hesab etdiyini söyləmişdi. Rejissorun çıxışı qalmaqala səbəb olmuş, "Kann" Film Festivalı İdarə Heyəti L. Trieri “non qrata” elan etmiş və fikirlərini kəskin pisləmişdi. L. Trier sonradan üzr istəyərək bunun zarafat olduğunu bildirmişdi.

Bu il isə rejissor yenidən “Kann” Film festivalına dəvət edilib.

• Pər açıb könül onunçün dolaşır Cıdır düzündə - Ağasəlim Əmrinin qəzəlləri
• Güllər açılsın, güllələr açılmasın - Rəsul Rzanın şeirləri
• "Heydər Əliyev bir dəfə mənə demədi ki..." - Kamal Abdulla