Aktyor, rejissor və ssenarist Taleh Yüzbəyov “Bəlkə də” adlı yeni qısametrajlı bədii filminin çəkilişlərinə start verib. Elmi fantastik, mistik, tragikomediya janrında çəkiləcək ekran əsərinin 2024-cü ilin noyabr ayında nümayişi planlaşdırılır.

Kulis.az xəbər verir ki, rejissor hələ ki, yayımı Youtube platforması üzərindən nəzərdə tutulan filmin kinoteatrlarda da nümayişinin müzakirə müstəvisində olduğunu bildirir. “ART Bakers” və “Yüz prodakşn”ın birgə istehsalı olan filmin xronometrajının 40 dəqiqə, tamaşaçı auditoriyasının isə 6+ yaş həddində olacağı nəzərdə tutulub.

Filmin mövzusuna əsasən keçmişdəki səhvlərini düzəltmək üçün zaman maşını yaradan ixtiraçı qeyri-adi bir vəziyyətlə qarşılaşır. Belə ki, bir gün onun evinə həyata qayıtmaq istəyən ruhlar axın etməyə başlayır…

Onu da qeyd edək ki, “Bəlkə də”nin rejissoru və ssenari müəllifi Taleh Yüzbəyovdur. Filmin prodüserliyini Taleh Yüzbəyovla Nicat Muxtarov, quruluşçu operatorluğunu İman İmanov, quruluşçu rəssamlığını Səbuhi Atababayev, səs rejissorluğunu isə Xan reallaşdıracaq. Rolları Günay Əhməd, Nurlan Rüstəmov, Əli Əlizadə, Azər Aydəmir, Kamran Ağabalayev və Əlixan Rəcəbov canlandıracaqlar.

• Müğənni olmaq bu qədər asandır?
• "Avroviziya 2025" xallarını Safurə açıqlayacaq
• Rejissor Elxan Cəfərov: "Mənim üçün yarım milyon kino pulu deyil" - Müsahibə