Rejissor Şirin Əhmədov “Sürəyyanın 32-ci günü” adlı ilk tammetrajlı bədii filminin çəkilişlərinə başlayıb.
Kulis.az xəbər verir ki, film reallıqla zamanın görünməyən qatları arasında qurulan incə bir xətt üzərində hərəkət edir.
Filmdə Sürəyyə personajını Əməkdar artist Hüsniyyə Mürvətova canlandırır. Ekran işində Xalq artisti Məmməd Səfa, Zülfiyyə Məmmədova, Bəhruz Vaqifoğlu və digər tanınmış simalar da yer alırlar. Filmin təsvir rejissoru Yusif Qasımlıdır.
Bu film Şirin Əhmədovun ilk tammetrajlı debütü olsa da, onun qısametrajlı filmləri yerli və beynəlxalq festivallarda iştirak edib.
Rejissor filmlə bağlı düşüncələrini belə ifadə edir: “Bəzən zaman düz xətt kimi axmır. Bəzən bir gün insanın içində illərə çevrilir. ‘Sürəyyanın 32-ci günü’ məhz o görünməyən günlərin hekayəsidir”.
“Sürəyyanın 32-ci günü” — bu, yaddaşın, seçimlərin və insan ruhunun qaranlıq və işıqlı tərəfləri arasında itən bir zaman parçasıdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər