Baş rolunda Alan Ritçsonun yer aldığı "Müharibə maşını" ("War Machine") filmi platformanın bütün dövrlərin ən çox izlənən ekran işləri sırasına daxil olduqdan sonra davam filmi üçün hazırlıqlara başlanılıb.
Kulis.az xəbər verir ki, yayımlandığı gündən bəri platformada böyük tamaşaçı kütləsi toplayan ekran işi qlobal miqyasda gördüyü maraqdan sonra "Netflix" tərəfindən silsilə layihəyə çevrilir.
İlk filmdə hərbi tapşırıq simulyasiyası zamanı fövqəltəbii bir ölüm maşını ilə üz-üzə gələn çavuşu canlandıran məşhur aktyor Alan Ritçsonun yeni layihədə yer alıb-almayacağı ilə bağlı hələlik dəqiq məlumat yoxdur. Lakin birinci filmin sonunun açıq qalması onun canlandırdığı personajın geri dönüş ehtimalını xeyli gücləndirir.
Qeyd edək ki, filmin ilk hissəsinin aktyor heyətində Dennis Kueyd, Stefan Ceyms, Cay Kortni və Esay Morales kimi güclü simalar yer almışdı.
Davam filminin rejissor kürsüsündə "Killerin mühafizəçisi" ("The Hitman’s Bodyguard") silsiləsindən tanınan rejissor Patrik Hyuz yenidən əyləşəcək. Hyuz rejissorluqla yanaşı, ekran işinin ssenarisini də Ceyms Bofort ilə birlikdə qələmə alacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər