"G.O.R.A." seriyası uzun fasilədən sonra yenidən tamaşaçı ilə görüşə hazırlaşır.
Kulis.az xəbər verir ki, məşhur komediyaçı Cem Yılmaz və komandasının hazırladığı yeni film – “GORA 4 GORA” üzərində işlər davam edir.
Filmin aktyorlarından Uraz Kayqılaroğlu sosial şəbəkədə Cem Yılmazla birgə fotosunu paylaşaraq layihə ilə bağlı həyəcanını izləyiciləri ilə bölüşüb. Aktyor paylaşımına “Gəlirik yenə” sözlərini yazıb. Həmin foto daha sonra Cem Yılmaz tərəfindən də şəxsi hesabında paylaşılıb.
Qeyd edək ki, Uraz Kayqılaroğlu daha əvvəl Cem Yılmazla birlikdə "Erşan Kuneri" və "Karakomik Filmler" layihələrində çalışıb.
Cem Yılmaz bir neçə ay əvvəl də “GORA 4 GORA”da rol alacaq aktyorlarla görüşmüşdü. Layihənin aktyor heyətində Cem Yılmazla yanaşı Can Yılmaz, Bülent Şakrak, Özge Özberk, Bora Akkaş, İdil Sivritepe, Bige Önal, Nevra Cansu Özel, Murat Eken, Emre Karayel və Ahmet Pınar kimi aktyorlar yer alacaq.
Bir müddət əvvəl iştirak etdiyi proqramların birində yeni layihəsi haqqında danışan Cem Yılmaz bildirib ki, o, adi film çəkməkdən qaçmağa çalışır:
“Personajı sabit saxlayıb, hekayəni və ya mühiti dəyişdirməyə çalışıram”.
Hələlik nümayiş tarixi açıqlanmayan film haqqında əlavə məlumat verən sənətçi bildirib ki, layihə kifayət qədər böyük həcmli olacaq:
“İki uzunmetrajlı film qədər böyük bir işdir. Təxminən 240 dəqiqəlik ‘Gora 4 Gora’ macərası olacaq. Heyət çox yaxşıdır, həm gülməli, həm də bir qədər daha dərin bir iş olacaq”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər