"Azərbaycan Televiziya və Radio Verilişləri" Qapalı Səhmdar Cəmiyyətində yeni sənədli film hazırlanaraq tamaşaçılara təqdim olunub.
Kulis.az xəbər verir ki, “Anın tarixi” layihəsi çərçivəsində hazırlanan film-hekayə “Birinci Türkoloji Qurultay” adlanır.
Filmdə ortaq zəngin keçmişə və qədim irsə malik türk xalqlarının mədəni inteqrasiyasında mərhələ yaratmış müstəsna əhəmiyyətli hadisə olan Birinci Türkoloji Qurultaydan bəhs edilir. Qurulayda keçmiş Sovetlər İtifaqında yaşayan türk xalqlarının tarixi, ədəbiyyatı, dili, əlifbası, etnoqrafiyası və mədəniyyəti ilə bağlı bir sıra mühüm və əhəmiyyətli qərarlar qəbul edilib, latın qrafikalı əlifbaya keçidin elmi-metodik istiqamətləri əsaslı şəkildə işlənib hazırlanıb. 1926-cı ildə Bakıdakı İsmailiyyə Sarayında keçirilən qurultayda 93-ü türk, 38-i digər millətlərin nümayəndələri olmaqla 131 nəfərin iştirak edib.
Filmdə Birinci Türkoloji Qurltay günlərindadə baş verən hadisələr bədii və sənədli təsvirlərlə əks etdirilib.
Filmin ssenari müəllifi Səxavət Sahil, qurluşçu rejissoru Ramina Qarayeva, baş prodüseri, Xalq artisti Ramiz Həsənoğludur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
