Mədəniyyət Nazirliyi tərəfindən bədii və animasiya filmi ssenariləri müsabiqəsinin nəticələri bəlli olub.

Mədəniyyət Nazirliyindən Kulis.az -a verilən məlumata görə kino ictimaiyyəti tərəfindən böyük maraqla qarşılanan müsabiqəyə təqdim edilən 90-dək bədii və animasiya filmi ssenarisindən Münsiflər heyəti aşağıda qeyd olunan film layihələrini seçib.

Tammetrajlı bədii

“Olimpiya” – Rüstəm Babazadə

“Zamandan kənarda” – Yavər Rzayev

“Ata” – Fariz Əhmədov, Esmira Əyyub

“Bağlı otaq” – Ramiz Fətəliyev.

Qısametrajlı bədii

“Borc” – Ülviyyə Heydərova ,

“Snayper” – Əyyub Qiyas,

“Buludlar” – Behzad Əhmədov,

“Yonca tarlası” – Bəhruz Mustafayev

Animasiya

“Tıq-tıq və dostları möcüzələr axtarışında - 2” – Sultan Abbasbəyli

“Dostum Mimi” – Reyhan Yusifqızı

“Sehrli planşet” – Vüqar Haqverdiyev

Qeyd edək ki, dövlət sifarişi ilə film istehsalı üçün ssenari ehtiyatının formalaşdırılması məqsədilə seçilmiş sözügedən ssenarilərə istehsal imkanlarından asılı olaraq filmlər çəkilməsi nəzərdə tutulub.

Xatırladaq ki, Azərbaycan Respublikası Prezidentinin “Azərbaycan kinematoqrafiyasının inkişafı ilə bağlı bəzi tədbirlər haqqında” Sərəncamına əsasən dövlət sifarişi ilə film istehsalını həyata keçirmək, həmçinin milli kinematoqrafiya sahəsində fəaliyyət göstərən şəxslərə dəstək olmaq, onların yaradıcılığını stimullaşdırmaq və yeni yaradıcı qüvvələri kinodramaturgiya sahəsinə cəlb etmək məqsədilə 2019-cu il noyabr ayının 1-dən Mədəniyyət Nazirliyi tərəfindən bədii və animasiya filmi ssenariləri müsabiqəsi elan olunmuşdu.

• Xoşbəxt sevgi yoxdu ki, bu xaraba dünyada... - Lui Araqon
• Şou proqramlarına göstərilən "qırmızı vərəqə"
• “Əməkdar incəsənət xadimi Zakir Bağırov - 110” adlı sərgi açıldı