Ədəbi tənqid

Cavid Zeynallı üçün

Cavid Zeynallı üçün
24 yanvar 2014
# 14:46



...
Dostumun romanında yaşayacaq adın...
Belə də olmalıydı,
Adın əldən ələ gəzməliydi,
Adını əzbərləməliydi hamı.
Adın mənim sözümüydü -
Mənim sözümü deməliydilər,
Yeməliydilər mənim payımı.
Hələ bu harasıdı,
Adını bütün adlardan seçməliydilər,
Lövhələrə yazmalı,
Məktəblərdə oxutmalı,
Adını biləndən sonra üst sinfə keçməliydilər.
Adından danışmalıydı bütün el-oba,
Bir adın başına dolanmalıydı eşq pərvanələri,
Meyxanələri bürüməliydi adına deyilən tostlar,
Dostlar yığışıb adına nəğmə qoşmalıydılar,
Coşmalıydılar adını eşidəndə qəmlilər,
Vərəmlilər şəfa tapmalıydı adından,
Yadından çıxmamalıydı adın bir kəsin,
Nəfəsin gəlib-getmə səbəbi olmalıydı o,
Haş iki O, yəni iki hidrogen, bir oksigenə,
Genə, qana, yaddaşa hopmalıydı
Daşa hopmalıydı.
Dostumun romanında yaşayacaq adın...
Görəcəksən,
Dostumun romanı əldən ələ gəzəcək,
Kitabını əzbərləyəcək hamı,
Dostumun kitabı məktəblərdə tədris olunacaq,
Bütün el-oba onun kitabından danışacaq.
Yığışacaq başına dostlar,
Tostlar deyiləcək nəğmə dolu, gülməli.
Ölməli bir adam qalib gələcək əcələ,
Elə dostumun kitabını oxuyan kimi,
Duyan kimi ürəyinin havasını. nəfəsini,
Səsini eşidən kimi qayıdacaq həyata,
Kainata, genə, qana, yaddaşa.
Daşa yazılacaq dostumun kitabı,
Tarixə qazılacaq.
Mən unutsam da, nə dəyişəcək?
Dostumun romanında yaşayacaq adın,
Görəcəksən,
Dostum böyük yazıçı olacaq!..

Elvin Bakiroğlu
Elvin Bakiroğlu
# 2661 dəfə oxunub

Oxşar xəbərlər

Ədəbiyyatın teatra çevrildiyi mənəvi ərazidə - Elnarə Akimova

Ədəbiyyatın teatra çevrildiyi mənəvi ərazidə - Elnarə Akimova

17:00 10 mart 2026
Döyüb-söyən valideynlər, yoxsa onlarsız əziyyətlərə dözmək.. - Hansı daha pisdir?

Döyüb-söyən valideynlər, yoxsa onlarsız əziyyətlərə dözmək.. - Hansı daha pisdir?

16:30 10 mart 2026
Çağdaş Güney Azərbaycan ədəbiyyatı: Dünəndən bu günə nə dəyişib?

Çağdaş Güney Azərbaycan ədəbiyyatı: Dünəndən bu günə nə dəyişib?

15:00 10 mart 2026
"Bilirsən nəyin məni bəxtiyar etdiyini..." - Hədiyyə Şəfaqətin Şumer mətnləri ilə hansı əlaqəsi var?

"Bilirsən nəyin məni bəxtiyar etdiyini..." - Hədiyyə Şəfaqətin Şumer mətnləri ilə hansı əlaqəsi var?

12:00 10 mart 2026
Hüseynbala Mirələmov bədii nəsrini insan və zaman kontekstində dəyərləndirən monoqrafiya - Elman Quliyev

Hüseynbala Mirələmov bədii nəsrini insan və zaman kontekstində dəyərləndirən monoqrafiya - Elman Quliyev

17:20 6 mart 2026
"Dedi, başla, kişi ol! İndi vaxtıdı…" - O, sevdiyi qıza qarşı necə belə qəddar ola bilərdi?!

"Dedi, başla, kişi ol! İndi vaxtıdı…" - O, sevdiyi qıza qarşı necə belə qəddar ola bilərdi?!

12:00 6 mart 2026
Ana səhifə Yazarlar Bütün xəbərlər
Canlı yayım