Vonnehutun məşhur romanı dilimizdə çap edildi

Ədəbi tənqid

Ana səhifə
Ədəbi tənqid

Vonnehutun məşhur romanı dilimizdə çap edildi

10 noyabr 2012

21:45

“Qanun” nəşriyyatı böyük Amerika yazıçısı Kurt Vonnegut-un “Sallaqxana № 5 və ya uşaqların səlib yürüşü” romanını Azərbaycan dilində çap edib.

Əsəri ingiliscədən İlahə Əkbər çevirib. Kitabın redaktoru Qismət Rüstəmov bir müddət əvvəl “Oxu zalı”nda dərc edilmiş məqaləsində əsər haqda ətraflı yazır:

“1945-ci ilin fevralında Amerika və ingilis hərbi aviasiya qüvvələri heç bir hərbi qüvvəsi, hərbi obyektləri olmayan Drezdeni bombalayırlar və bunun şahidi olmaq Vonnequta çox ağır təsir edir.

Bu bombardmanda Vonnequt və digər əsirlər zirzəmidə, sallaqxanada işlədikləri üçün sağ qala bilirlər.

Drezden bombardmanında 135 min insan həlak olur.

Avropa üçün rekord – çox kədərli rekord ! Vonnequt deyir ki, bu fəlakətdən yalnız bir nəfər qazanclı çıxdı, o da onun özüdür.

Çünki o hər ölüyə görə beş dollar qazanıb – “Sallaqxana N5 və ya uşaqların səlib yürüşü” romanının qonorarı şəklində...”

Bu roman uçan boşqabların gəldiyi Tralfamador planeti haqqında teleqrafik-şizofrenik üslubda yazılmış hekayələrdən ibarətdir.