Şairin qəbrinə şərab töküldü... Sonra dağıtdılar qəbri

Ədəbi tənqid

Ana səhifə
Ədəbi tənqid

Şairin qəbrinə şərab töküldü... Sonra dağıtdılar qəbri

19 avqust 2011

16:07

Tanınmış türk şairi Can Yücelin Muğla şəhərinin Datça ilçəsindəki məzarı naməlum şəxs və ya şəxslər tərəfindən dağıdılıb.

Gecəyarısı edilən hücumun kim tərəfindən olunduğunu müəyyən etmək üçün Datça Polis Bölməsinin əməkdaşları təhqiqatlara başlayıb.

Polis təcavüzkarların hücumu əvvəldən planlaşdırdıqlarını və yanlarında gətirdikləri çəkic tipli ağır bir cisimlə məzarı parçaladıqlarını ehtimal edirlər.

Bütün dünyada “tolerantlıq qəbristanlığı” olaraq bilinən Datça qəbristanlığında müsəlman qəbirləri ilə yanaşı, xristian və yəhudi qəbirləri də var.

Yücəlin avqustun 12-də keçirilən ölüm ildönümündə bir neçə gənc məzarına şərab tökmüşdü. Şairin yaradıcılığının vurğunları şərab tökülməsinin “Can baba”nın vəsiyyəti olduğunu deyiblər.

Lakin hakim Ədalət və İnkişaf Partiyasının Datçadakı ilçe başqanı Ahmet Sedat Deniz hadisəni pisləyib və belə bir vəsiyyətin uydurma deyib.

Sosialist şair Çe Gevara və Mao-dan etdiyi tərcümələrə görə 1971-ci ildə həbsə salınsa da, 3 il sonra bağışlanıb.

O, Türkiyənin tanınmış dövlət xadimi, keçmiş mədəniyyət naziri Həsən Əli Yücelin oğludur.

Şair 1999-cu ildə vəfat etmişdi.

Günel Əsgərzadə