writer1

Samirə Əşrəf

Məqalə sayı

154
clock11:58 calendar-gray 06 Avqust 2020 view-gray3074 dəfə oxunub
view-gray3074 dəfə oxunub

Çörək, dərman, kitab... - Operativ Qərargaha təklif

Ölkənin bir sıra ziyalıları Opertaiv Qərargaha kitab mağazalarının açılması üçün müraciət edib. Onlar kitabxanaların və kitab evlərinin açılmasını zəruri sayır.

Biz də zəruri hesab edirik. Biz deyəndə yəni yazı pozu əhlini, ömrünü gününü kitaba yazıya bağlayan insanları nəzərdə tuturam.

Yəni bu cür öləzimiş bir vəziyyətdə kitab mağazalarının açılması əlbəttə ki, vacib idi. Çünki məntiqlə analiz edildikdə də, hazırki şəraitdə kitab dükanlarının açılmasında, xüsusi təhlükə görülmür. Onsuz da bu dükanlarda heç vaxt sıxlıq olmur. Heç bir kitab evində eyni vaxtda 10 nəfər adam tapa bilməzsiniz. Daxil olduğum kitab mağazalarının bu başından o başı həmişə aydın və şəffaf görsənib. Hansısa tanınmış şairin, yazıçının kitab təqdimatları müəyyən mənada bu konuda istisnadır. Amma vallah məsələyə bədbin tərəfdən yanaşsaq, elə həmin təqdimatlardakı çoxluğu yaradan da bizlər olmuşuq. Özümüz yazıb, özümüz də oxumuşuq.

Bu neqativ durum da əsas verir ki, bu tip obyektlər artıq oxucuların ixtiyarına verilsin.

Bu insanlar ki, yazdıqları hər cümlənin, hər sətrin içərisində bir misqal kitab həsrəti, kitab sevgisi qoyublar. Bunu edə bilmək üçün müxtəlif əyləncələrdən, rahatlıqlarından keçiblər. On dörd, on beş yaşından üzü bəri gündüzləri gün, gecələri ay işığında kitab oxuyan nə qədər insan tanıyıram. Ətrafımda kitabı həyatının vaz keçilməzi hesab edən saysız hesabsız adamlar var.

İllərdir kitabın, elmin, mütaliənin insanlıq üçün nə qədər faydalı olduğundan danışırıq, yazırıq. Buna görə hər cür tənəyə, lağa, söz-söhbətə tuş gəlmişik. Amma son illər kitabsızlığın yaratdığı savadsızlıq, məlumatsızlıq böhranı kitab əhlinin nə qədər haqlı olduğunu sübut etdi.

Koronavirus pandemiyasından sonra toyxanalar, yasxanalar, ticarət mərkəzləri ilə yanaşı mədəniyyət məkanlarının bağlanması pis, yaxşı formalaşmağa can atan kitab bazarına öz mənfi təsirini göstərdi və göstərməkdə də davam edir.

Statistikaya əsasən Azərbaycan son illər kitab oxunma siyahısında heç də üst sıralarda deyil. Və sıra məsələsi gec tez xalqın düşüncə tərzində, elmində, mədəni həyatında özünü biruzə verir.

Yadıma gəlir, sovet dövründə kitablar əldən-ələ keçib oxunmaqdan didik-didik olur, vərəqləri yarpaq kimi tökülürdü. Amma biz yenə də həmin kitablardan əl çəkmirdik. Bu kitabları oxumaq üçün günlərlə öz növbəmizi gözləyərdik. İndi isə kitablar nəinki kitab mağazalarında, hətta dövlət kitabxanalarında da tər vəziyyətdə kitab rəflərində tozlanıb qalır. Dəfələrlə kitabxanalarda elə belə yoxlamaq üçün, üzləşəcəyim qanqaraldıcı vəziyyətin nə olacağını bilə-bilə ən məşhur yazıçıların kitabları götürüb baxmışam. Elə kitablar olub ki, beş, on il kitabxanaya təhvil verilməsinə baxmayaraq məndən və bir neçə yaşlı oxucudan başqa heç kimə gərək olmayıb.

Bir az pafoslu səslənsə də, kitab da ərzaq mağazalarında satılan məhsullardan az dəyərli deyil. Bu şəxsən mənim üçün belədir. Əminəm ki, mənim kimi həmkarlarım çoxdurlar. Çörək, dərman, kitab...

Ümid edək, əmin olaq ki, tezliklə kitab mağazaları oxucuların ixtiyarına veriləcək. Bu akt həm də, növbəti pandemiyalar zamanı insanların davranışına təsir edə bilər; kitablı cəmiyyət bütün təlatümlərdən üzüağ çıxır. Kitablı cəmiyyət bütün işıqlı ideyaların təminatıdır.

REKLAM

Yazarın digər yazıları

Xəbər lenti

Məşhur meyxanaçı: "O işlə təkcə meyxanaçılar məşğul deyil ki" - Video
17:01 19 Sentyabr 2020
Rejissormuzun filmi Beynəlxalq Turizm Filmlər Festivalının qalibi oldu
15:51 19 Sentyabr 2020
Bitlz qrupu haqqında kitab çap olundu
14:41 19 Sentyabr 2020
Mənə möcüzə kimi görünən ədəbi hadisə - Elçin yazır...
13:30 19 Sentyabr 2020
Dörd min ildi dustağam - Adil Şirinin şeirləri
12:20 19 Sentyabr 2020
Dovlatovun heç yerdə çap olunmamış şeiri sərgiləndi
11:05 19 Sentyabr 2020
Respublika Uşaq kitabxanası yeni layihəsinin ilk mövzusunu Milli Musiqi Gününə həsr edib
09:59 19 Sentyabr 2020
Mətbəxdə cazibəsini itirən qadının dramı
09:00 19 Sentyabr 2020
Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020
Onlar "Ginnesin rekordlar kitabı"na daxil oldular - Fotolar
18:40 18 Sentyabr 2020
"Arşın mal alan" Bolqarıstan teatrında səhnəyə qoyuldu
18:00 18 Sentyabr 2020
Sarı camış - Kamal Abdulladan yeni hekayə
17:22 18 Sentyabr 2020
Azərbaycanın “Avroviziya-2021”də iştirakı təsdiqləndi
16:38 18 Sentyabr 2020
Üzeyir Hacıbəylinin xatirəsi anıldı
15:51 18 Sentyabr 2020
Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir?
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020