Bu gün şotland mənşəli şair, yazıçı, tarixi roman janrının banisi Valter Skottun doğum günüdür.

Kulis.az onun əsərlərindən sitatları təqdim edir.

Qisas - cəhənnəmdə bişirilmiş ən şirin tikədir.

***

Dəyərli bir şəxsiyyətə çevrilən bütün insanların öz təhsilində və yetişməsində baş rolu elə özləri oynayıb.

***

Yalan danışmağa başladığımız ilk andan etibarən özümüzü necə də dolaşıq bir torun içinə salırıq!

***

Məhəbbət saraylara, düşərgələrə, meşələrə, yer üzündəki insanlara və göylərdəki müqəddəslərə hökm edər; çünki məhəbbət cənnətdir, cənnət də məhəbbətdir.

***

Şər törətmək üçün sonsuz gücə malik olduğu halda xeyirxahlıq edən kəs yalnız etdiyi yaxşılıqlara görə deyil, çəkindiyi pisliklərə görə də tərifə layiqdir.

***

Pişiklər sirli bir tayfadır.

***

Ölüm son yuxudurmu? Xeyr, o, son və həqiqi oyanışdır.

***

Çox qanunları, çox əmrləri pozmuşam, amma sözümü heç vaxt.

***

Hər dövr yeni gələn ili bayram şənliyi üçün ən münasib vaxt hesab edib.

***

Biz tapdalandıqca daha da çox çiçəklənən ot kimiyik.

***

«İnsanların azadlığın nemətlərindən danışdığını eşitmişəm» - deyə o, öz-özünə düşündü, - amma istərdim ki, müdrik bir adam indi əlimdə olan bu azadlıqdan necə istifadə edəcəyimi mənə öyrətsin.

***

Döyüşün, igid cəngavərlər! İnsan ölər, amma şərəf yaşayar! Döyüşün; ölüm məğlubiyyətdən üstündür! Döyüşün, igid cəngavərlər, çünki parlaq gözlər sizin igidliyinizə baxır!

***

Daim dilində olan, amma nə qəlbində, nə də əməllərində görünməyən inancına heç də həsəd aparmıram.

***

Sakit ol, qızım; dilin ağlından qabaq qaçır.

***

İt saxlamağın kədəri onun tez ölməsindədir. Amma bir tərəfdən də, əgər o, əlli il yaşayıb sonra ölsəydi, mənim halım necə olardı?

***
Bəzən itlərin ömrünün niyə belə qısa olduğu barədə düşünmüşəm və əmin olmuşam ki, bu, bəşəriyyətə olan rəhmdən irəli gəlir; çünki on-on iki illik tanışlıqdan sonra bir iti itirərkən bu qədər əzab çəkiriksə, onların ömrü ikiqat uzun olsaydı, halımız necə olardı?

***

Cəngavərlik! Ah, qızım, o, pak və uca sevgilərin anasıdır; məzlumların dayağı, haqsızlığın ədaləti, müstəbidin gücünü cilovlayandır. Onsuz əsilzadəlik boş bir addan ibarətdir və azadlıq ən yaxşı müdafiəni məhz onun nizəsində və qılıncında tapır.

***
Gələcək nəsillər bir zamanlar belə axmaq təəssübkeşliyin mövcud olduğuna inanacaqlar!

***

Vicdan yolunda alınan yaralar öz məlhəmini elə vurulan zərbənin içində daşıyır.

***

Şanlı bir həyatın dolu-dolu keçən tək bir saatı, adsız-soraqsız keçən bir əsrə dəyər.

***

Qəlbin tərbiyəsi ilə müqayisədə hər şeyi boş xəyal hesab etməyi öyrənmədikcə, həqiqi missiyamızı və taleyimizi hiss etməyi və ona hörmət etməyi heç vaxt öyrənə bilməyəcəyik.

***

Mənə qəddarlığı öyrədən qadın oldu, buna görə də qəddarlığımı elə qadın üzərində tətbiq etdim.

***

Məhəbbət çox az ümidlə də yaşaya bilər, amma ümidsiz heç yaşaya bilməz.

• Məşhur rejissor saxlanıldı
• "Həyatı son damlasınadək içəcəyəm..." - İngilis şairdən sitatlar
• "Kamera sadəcə göz deyil, o, ruhun pəncərəsidir” – Bela Tarrın aforizmləri