“Eleanor & Park” və “Attachments” romanları ilə tanınan amerikalı yazıçı Reynbou Rouell indiyədək başqa ad altında nəşr etdirdiyi kitabın müəllifi olduğunu açıqlayıb.
Kulis.az xəbər verir ki, yazıçı 2022-ci ildə Rebekka Morrou təxəllüsü ilə nəşr olunan “Corinne” romanını əslində özünün yazdığını etiraf edib.
“Corinne” ailəsinin və dini icmasının sərt qaydalarına görə onlardan uzaqlaşmağa məcbur olan qadının hekayəsindən bəhs edir. Romanın qəhrəmanı keçmişi, inancı, utanc hissi və ilk sevgisi ilə yenidən üzləşir. Rouellin təxəllüsdən istifadə etməsi onun oxucuların kitabı tanınmış müəllifin əvvəlki əsərləri ilə müqayisə etmədən qəbul etməsini istəməsi ilə əlaqələndirilir.
Romanın yazıçının öz adı ilə yeni nəşrinin 2027-ci ilin iyulunda işıq üzü görəcəyi bildirilir. Bununla yanaşı, Rouell “Corinne” dünyasına qayıdan yeni kitab – “Catch Us the Foxes” üzərində də işləyir. Həmin əsərin 2028-ci ilin martında nəşri planlaşdırılır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər