İranda sərt senzura və müharibə şəraitində gizlin çəkilən "The Friend's House Is Here" ("Dostunun evi buradadır") filmi sərhəddən kompüter diskində çıxarıldıqdan sonra London Film Festivalında nümayiş olunub.
Kulis.az xəbər verir ki, rejissorlar Hüseyn Keşavarz və Məryəm Atayinin ərsəyə gətirdiyi ekran işi bu il "Sundance" festivalında Münsiflər Heyətinin Xüsusi Mükafatına layiq görülüb.
Tehranda bir evi paylaşan teatr aktrisası Pəri və rəqqasə Hananın həyatından bəhs edən film müstəqil iranlı sənətçilərin müqavimətini əks etdirir.
Əsas səhnələri smartfon və kiçik kameralarla çəkilən lenti ölkədən çıxarmaq üçün komanda üzvlərindən biri sərt internet blokadası və etirazlar fonunda diski digər kadrların arasında gizlədərək Türkiyə sərhədindən keçirib.
Qeyd edək ki, rejissorlar filmi sanksiyalara və təzyiqlərə baxmayaraq yaradıcılığını davam etdirən gənc iranlı sənətçilərə "sevgi məktubu" adlandırıblar.
Ana səhifə
Reels
Yazarlar
Xəbərlər