Karikatura hadisəsi dünyanı bir-birinə vurdu.
İslamda və başqa dinlərdə YUMORa münasibət həmişə aqressiv olub. İsa gülübmü, ya yox? Geniş mübahisə mövzusudur bu gün də.
“Ağladan yanında otur” - İslam peyğəmbərinin ən məşhur ibarələrindəndir.
Umberto Ekonun "Qızılgülün adı" romanında monastırdakı qətllərin səbəbi Aristotelin YUMORla bağlı əlyazmasıdır. Onu həm gizləyiblər, həm də vərəqlərini zəhərləyiblər ki, tapan olsa belə barmağını dilində isladıb vərəqlədikcə zəhərlənib ölsün, “gülüş elmi” yayılmasın.
Üstəgəl, İslamda insan sifətinin təsvirinə qoyulan qadağa...
Üstəgəl, bu təsvirdə peyğəmbərin olması...
Üstəgəl, adi rəsm deyil, karikatura olması...
Üstəgəl, karikaturanın məqsədinin aşağılamaq, ələ salmaq, lağa qoymaq olması...
Ağır söhbətdir...
...Və başqa bir dəqiq münasibət yapon əsilli amerikan filosofu Frensis Fukuyamadan gəlsin: "İslamla bağlı ən böyük problem bu dinin alternativ dövlət modeli təklif etməsindədir".
İŞİD-in ən böyük təhlükəsi İSLAM DÖVLƏTİ olmasındadır. Söhbət şəriət dövlətindən gedirsə, orda əl kəsmək, edam etmək, cihada qalxmaq kimi qaydalar var ki, törədilən cinayət əməllərini özləri üçün asanlıqla əsaslandıra bilirlər.
Qeyd olunanlara imperialist güclərin bu həssas məsələlərdən öz çıxarları üçün faydalanması amilini də gəlsək, başımızı itirəcəyik...
Nə qədər ki, belədir vəziyyət düzəlməyəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
