13 oktyabr, saat 19:00-da teatrın səhnəsində dahi Azərbaycan şairi Məhəmməd Füzulinin 530 illiyi münasibəti ilə "Leyli və Məcnun" tamaşası nümayiş olunacaq.

Kulis.az xəbər verir ki, səhnə əsərində Əməkdar artistlər Mehriban Abdullayeva, Nofəl Vəliyev, Elnur Hüseynov, Qəmər Məmmədova, Rasim Cəfər, aktyorlar Bəhram Əliheydər, Səbinə Məmmədzadə, Nuriyyə Əliyeva, Elşən Şıxəliyev, Şəbnəm Hüseynzadə, Könül Əbilova, Araz Pirimov, Müşfiq Əliyev, Ceyhun Məmmədov, Elgün Yəhyayev və digər aktyorlar iştirak edirlər.

Məhəmməd Füzulinin eyniadlı poeması əsasında dramatik janrda hazırlanan tamaşanın quruluşçu rejissoru Əməkdar artist Nicat Kazımov, musiqi tərtibatçısı Kamil İsmayılov, məsləhətçisi İlqar Fəhmi, döyüşlərin quruluşçusu İsa Əsədov, rejissoru Müşfiq Əliyev, rejissor assistenti Günay Qasımovadır.

Səhnə əsərində iki gəncin bir-birinə saf məhəbbətindən və onun yolunda necə faciəyə uğramalarından bəhs edir. Tamaşa lirik insani duyğularla yanaşı, həm də gəncləri vətənpərvərliyə, dostluğa sədaqətə və qarşılıqlı anlaşmaya səsləyir. Tamaşa klassik geyimləri, musiqi dramaturgiyası və gözəl dekorasiyası və quruluşu, eyni zamanda, maraqlı, dinamik və plastik aktyor oyunları ilə diqqəti cəlb edir.

• Əlvida, xoşbəxtlik - Aliyə Kərimzadə
• Üzvlükdən azad edilən, töhmət verilən Füzuli Hüseynov kimdir?
• Məşhur musiqiçi vəfat etdi