O şəhər də mənim idi - Xavər Şəfiyevanın yeni şeirləri...

O şəhər də mənim idi - Xavər Şəfiyevanın yeni şeirləri...
31 may 2022
# 13:20

Kulis.az Xavər Şəfiyevanın yeni şeirlərini təqdim edir.

Qızıl zəmi başında,

Bozarıb, doluxsunub

Mavi səma yolları

Mavi gözlü bir uşaq:

Ata, saxla onları.

Sən ağlama balaca,

Bizim də yaramız var.

Döyüşlərdən sağ çıxmış,

bacımız, anamız var.

Sən anana bərk sarıl.

Kəsiləcək yağışlar.

Mənim də sənin yaşda

Mavi gözlü qızım var.

Sən anana bərk sarıl

Savaşın bir üzü var,

Sənin torpağında da,

mənim torpağımda da

ac köpəyin gözü var.

***

Mən bilirdim bu ayrılıq çox çəkməz

Mən bilirdim bu oyunun sonu var

Yalan ömrü qırx gün olur, bilirsən

Yalanın da bir həddi var, tonu var

Bir işıq var nöqtə boyda uzaqda

Ha baxıram...ha baxıram boylanıb

Divardakı daşa dönmüş saat da

Neçə ildir bir zamanda dayanıb

Mən bilirəm, o əqrəblər tərpənər,

Min il çəkən bu sükunət keçəcək

Divardakı daşa dönmüş saatda

Mən bilmirdim, məni bağışla deyəcək

Sən ha boya, ha bəzək vur bu işə

Bu günədək alınmadı... alınmaz...

Nənəmin bir sözü vardı dilində

Boş quyuya doldurmaqla su dolmaz

***

Hər gedişin sonu,

Bir gəlişin başlanğıcıdır əzizim.

Gələnlər getdi deyib dayanma.

Əlində günəşlə gələnlərin istisinə isin,

yubanma.

Boya əlindəki fırça ilə,

Ömrünə göy qurşağı rənglərini boya.

Mən bilirəm,

Səninçün dünyaya palitradan baxmaq daha gözəldir.

Bir də mənim gözlərimdən gör

Ən parlaq rəngini seç.

Barmağınla saçıma hör.

O rəng ilə bütün alatoranlıqları siləcəm.

Səndə yeni dünya görəcəm.

Yeni dünya görəcəm.

***

O şəhər də mənim idi,

O dəniz də.

Yaşadığın o küçə də.

Nə dəyişdi bir gecədə?

Biz, biz olsaq bu dərd bizi tapardımı?

Xəzərə baxıb,

pıçıldayan arzuları

qağayılar apardımı?

Səmaya bax

Pəmbə-pəmbə buludlar da siyah olur.

Göy düşsün başıma mənim,

Mən bilmirdim belə sevmək günah olur.

Qəza idi həyatımda

Ölmədim ki...

Qurban olum yaşamaq da belə olmur.

Yordu... yordu bu yol məni,

yenə yola sarılmışam.

Bəhanələr məndə qalsın

Səni deyib gəlmirəm ki,

O şəhərçün

O dənizçün

O küçəyçün darıxmışam...

# 2500 dəfə oxunub

Oxşar xəbərlər

Bir qadın da sevmədik... – Günün şeiri

Bir qadın da sevmədik... – Günün şeiri

11:00 7 iyun 2024
Çəkərəm ciyərlərimə öpüşlərini... - Emin Pirinin yeni şeiri

Çəkərəm ciyərlərimə öpüşlərini... - Emin Pirinin yeni şeiri

12:48 11 yanvar 2023
Bilirsən də, mən darıxan adamam - Günün şeiri

Bilirsən də, mən darıxan adamam - Günün şeiri

18:39 2 yanvar 2023
Cibim pullarımın qəbrinə dönər - Günün şeiri

Cibim pullarımın qəbrinə dönər - Günün şeiri

11:20 28 dekabr 2022
Niyə getdin? Niyə döndün? Niyə baxdın? - Günün şeiri

Niyə getdin? Niyə döndün? Niyə baxdın? - Günün şeiri

12:40 5 dekabr 2022
Səni and verirəm, uşaq doğa bilməyən qadınların... - Səbuhi İmanovun yeni şeirləri

Səni and verirəm, uşaq doğa bilməyən qadınların... - Səbuhi İmanovun yeni şeirləri

17:00 14 noyabr 2022
#
#
# # #