Rusiyada Pravoslav aktivistləri A.Çexov adına Moskva Bədaye Teatrının kandarına donuz başı qoyub. Bununla onlar Konstantin Boqomolovun “İdeal ər” tamaşasına etirazlarını bildiriblər. Kulisin lenta.ru saytına istinadən verdiyi xəbərə görə, bu barədə “Allahın iradəsi” ictimai hərəkatının Enteo ləqəbli lideri Dmitri Tseriopnov özü xəbər verib.

“Oleq Tabakov, Konstantin Boqomolov və MBT-nin səhnəsində kafirlik edən başqaları müqəddəslərə istehza etməklə rus xalqını “donuz” yerinə qoyurlar. Bunun özünü “donuzluqdan” başqa nəsə adlandırmaq mümkün deyil. Maskalar altında gizlənən və onları cıran ölüm onu göstərir ki, Tanrıya istehza etmək olmaz, asi rişxəndçi onun məhkəməsindən qaça bilməz” – deyə bu aktivistlər sosial şəbəkələrdə yazıblar.

“Allahın iradəsi” hərəkatının tərəfdarları teatrın qarşısına yığışıblar. Onlardan biri ölümü obrazlaşdıran kostyum geyinmiş biri, maska taxmış o biri aksiya iştirakçılarının maskalarını cırıb və teatrın səhnəsinə tolazlayıblar. Bundan əlavə, onlar tamaşanın repertuardan çıxarılmasını tələb edirlər və Baş prokurorluğa şikayətlə müraciət ediblər.

Bundan əvvəl, 2013-cü ildə aktivistlər Boqomolovun tamaşasına etirazlarını bildirmişdilər. O zamanlar tamaşa getdiyi yerdə səhnəyə çıxaraq, artistləri pravoslav inancını ələ salmaqda və İsa Məsihə nifrət etməkdə ittiham etmişdilər. Teatrın əməkdaşları və tamaşaçılar aksiyaçıları səhnədən qova bilmişdilər, tamaşa isə davam etmişdi.

Qeyd edək ki, dindar tənqidçilər “İdeal ər” tamaşasında xaç simvoluna hörmətsizlik, narkomaniyaya, homoseksuallığa və eyş- işrətə çağırış görüblər. Bu tənqidlərə cavab olaraq Moskva Bədaye Teatrı tamaşada keşiş Artemiyanın obrazını yaradan aktyor Maksim Matveyevin bəyanatını nəşr etdirmişdi. Aktyor vurğulamışdı ki, kefcilliyə olan meylini allah inancı ilə pərdələyən keşiş obrazından söhbət gedir.

• Telefon uşaqlara necə təsir edir? - Günel Mövlud
• "Rusiyanın qiyaməti qopur" - Çəmənzəminlinin Ukraynadan tarixi müraciəti
• 10 gündür komada olan reper vəfat etdi