“Axınla aşağı” filmi ABŞ-da “Ən yaxşı tammetrajlı debüt film” mükafatına layiq görülüb. Bu barədə Kulisə “Azərbaycanfilm”dən verilən məlumata görə Los-Anceles şəhərində keçirilən SEEfest Beynəlxalq Film Festivalının məqsədi seçilmiş Avropa filmlərinin ABŞ-da tanınmasına xidmət etməkdir.

Festival Amerika kinoakademiyasının xüsusi dəstəyi ilə keçirilir. Filmin nümayişində və mükafatların təqdim olunma mərasimində filmin quruluşçu rejissoru Asif Rüstəmov iştirak edib.

Qeyd edək ki, filmin dünya premyerası 1263 kino mütəxəssisinin - ümumilikdə 12 min 433 akkreditasiya olunmuş ziyarətçinin qatıldığı nüfuzlu Karlovy Vary Beynəlxalq Film Festivalı (Çexiya) çərçivəsində “East of the West” müsabiqə proqramında gerçəkləşib.

Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında 2014-cü ildə lentə alınan “Axınla aşağı” filminin ssenari müəllifləri Asif Rüstəmov və Otar Pertaxia, quruluşçu operatoru Ayxan Salar, quruluşçu rəssamı Rafiz İsmayılov, bəstəkarı Xəyyam Mirzəzadə, icraçı prodüseri Nadir Əliyev, prodüseri Müşfiq Hətəmovdur. Filmdə baş rolları Namiq Ağayev, Mehriban Zəki, Aleksandra Andrejevska, Teymur Məmmədov və digərləri canlandırırlar.

• Ermənistan bayrağını niyə yandırmaq olmaz?
• Allahın sonuncu əl işi - Cavid Qasımovun yeni şeirləri
• Bakı Kamera Orkestri konsert proqramı ilə çıxış etdi