Sentyabrın 21-dən başlayan Tiflis Beynəlxalq Teatr festivalı davam edir. Bu barədə kulis.az festivalın rəsmi saytına istinadən xəbər verir.

Festivalın proqramı iki formatda, beynəlxalq və gürcü proqramı ilə keçirilsə də, lakin bu il festivala əlavə proqram “New Market” əlavə olunub. Bu proqram çərçivəsində tamaşaçılar Qara dəniz sahilləri və Qafqaz ölkələri teatrlarının tamaşalarına baxa biləcək. Bu bölmədə Rusiya, Azərbaycan, Ermənistan və Türkiyədən tetatr kollektivləri iştirak edəcək. Festival oktyabrın 8-dək davam edəcək.

Beynəlxalq proqramında Tayvanın “Qızıl rəqs” teatrı, Almaniyanın “Satellit production” Philipp Hocsmair Company teatr şirkətlərinin, Ukraynanın İvan Franko Milli Akademik Teatrı, Polşanın Pieśń Kozła teatrının , Litvanın Klaipėdanın qalası Teatrının, Vilnüs şəhər teatrının, Rusiyanın Milli teatrının, Finlandiyanın Şəhər teatrının tamaşaları təqdim olunur.

Beynəlxalq proqram oktyabrın 1-də dünyaca məşhur Slava Poluninin "Slavanın qar şousu" tamaşası ilə yekunlaşacaq.

Azərbaycan festivalda iki tamaşa ilə - Gənc Tamaşaçılar Teatrının "Müharibə" və Akademik Milli DRam Teatrının "İlahi oyun" tamaşası ilə təmsil olunacaq.

Tbilisi Beynəlxalq Teatr Festivalı 2009-cu ildən keçirilir. Festival çərçivəsində həmçinin ustad dərsləri, konfranslar və sərgilər də daxildir.

• Beynimizin içinə düşən sənətkar - Düşüncə keramikaya necə çevrilir?
• Süni zəka istənilən ağsaqqaldan çox bilir - Yalçın İslamzadə
• 3 yaşlı qardaşını 6 yaşlı qardaşına tapşırdı - KimsəBizlər