Roosh V adı ilə tanına anti-feminist blogger Daryush Valizadehin geniş müzakirələrə səbəb olan “Qadınları əldə etmək texnikası” kitablarının satışını həyata keçirən Amazona qarşı imza kampaniyası başlayıb. Kulisin xarici mətbuata istinadən verdiyi məlumata görə Valizadeh kitablarında ictimaiyyətə bağlı olan yerdə qadın zorlamağın qanuniləşdirməsi fikri ilə çıxış etmişdi.

Amazona qarşı aksiyanı Caroline Charles başlayıb. O, Roosh V imzalı kitabların saytın kataloqundan dərhal çıxarılmasını tələb edir. İmza kampaniyasına artıq 5 mindən çox adam qatılıb.

İmza kampaniyasının mətnində “Bang Iceland” adlı kitabında Valizadehin bir qadını zorladığını etiraf etməsi də qeyd olunub.

Valizadeh kitabda “Evə gedəndə onun sərxoş olduğunu hiss elədim. Əgər Amerikada yaşasaydıq onunla cinsi əlaqədə olmaq istəyim zorlama aktı kimi qəbul olunardı. Çünki o, cinsi əlaqəyə razı olacaq halda deyildi. Əlbəttə mənim ayıq olmam da indiki halda müsbət əlamət sayılmırdı. Ancaq bu barədə düşündüyümü və onunla cins əlaqədə olmaq barədə tərəddüd içində olduğumu deyə bilmərəm. Elədiklərimi görə özümü haqlı çıxarmaq istəmirəm, çünki seks mənim bacardığım işdi” yazmışdı.

Məsələ ilə bağlı Amazon hələ heç bir açıqlama verməyib.

• Deputat Aqil Abbas Şərif Ağayarın kitab təqdimatında kimə əsəbiləşdi?
• Yetim böyüyən, dostlarını qapıdan qovan Əməkdar artist kimdir?
• “Kontrabas” festivala yola düşür