Dünən Antalyada keçirilən Altun Portağal Film Festivalının on jürisi istefa verib. Buna səbəb rejissor Reyan Tuvinin Gezi hadisələrindən bəhs edən “Yer üzü eşqin üzü olana kimi” sənədli filminin 51-ci Altun Portağal Festivalının Beynəlxalq müsabiqədən çıxarılmasıdır.

Festival rəhbərliyi filmin alt yazısında ingiliscəyə çevrilmiş söyüşün Türk Cinayət Qanununun 125 və 299-cu maddələrini kobud şəkildə pozan məzmun ifadə etdiyi üçün filmi festivaldan çıxarıb.

İstefa verən jüri üzvlərinin yaydığı açıqlamada deyilir: "Sənətin ifadə azadlığı qorunmayana qədər vəzifəmizdən çəkildiyimizi bəyan edirik”

İstefa edənlər arasında rejissorlar Belmin Söylemez, Belma Baş, Zeyən Dadak, Emre Akay, kinotənqdiçi Ayla Kanbur, Evrim Kaya və başqaları var.

Festival rəhbərliyi filmi yenidən müsabiqəyə salmağa məcbur olub.

Rejissor Reyan Tuvi Tvitter hesabındakı açıqlamasında filmin ingiliscə alt yazısında yer alan söyüşü çıxararaq mübahisələrə son verdiyini yazıb: “Yer üzü eşqin üzü olana kimi” 51-ci Antalya Altun Portağal Film Festivalı Beynəlxalq Sənədli filmlər müsabiqəsində yarışacaq. Bir həftəyə yaxındır ki, davam edən bu qalmaqal filmin ingliscə alt yazısındakı bir söyüşün tərcüməsini ləğv etməklə sona çatdı. Küçələrdə, divarlardan söyüşləri boyayaraq silən və “söyüşlə deyil, inadla dirən” deyən qadınları salamlayıram”.

Qeyd edək ki, festival oktyabrın 10-u başlayır.

• "Qartal olub göylərində uçum mən..." - 26 avqust Laçın Şəhəri günüdür
• "Turin kəfəni"nin saxta olduğuna dair dəlil tapıldı
• "Buna Azərbaycan dilində yazılmış mətn deməyə adam çətinlik çəkir..." - Abbasqulu ağa Bakıxanov niyə ərəb-fars tərkibləri ilə yazırdı?