Kulis.az dünyanın müxtəlif mədəniyyətlərinə aid, özünəməxsus adət-ənənələri, dərin mənaları və uzunmüddətli tarixləri ilə seçilən 10 unikal festival və karnavalını təqdim edir.

Diwali

Hinduizm, caynizm və sikhizmdə qeyd olunan Diwali (İşıq festivalı) qaranlıq üzərində işığın qələbəsini simvolizə edir. Ev və küçələr rəngli işıqlarla bəzənir, ailələr bir-birinə şirniyyat hədiyyə edir.

La Tomatina

İspaniyada keçirilən “La Tomatina” ( Pomidor festivalı) festivalında minlərlə insan böyük pomidor döyüşünə qatılır. Hər il avqust ayında keçirilir və dünyanın ən rəngarəng, əyləncəli festivallarından biri hesab olunur.

Holi

Holi (Rəng festivalı) Hindistan və Nepalda baharın gəlişi və sevginin şərəfinə keçirilir. Holidə insanlar arasında rəngli tozlar atılır, rəqs edilir.

Mardi Gras

Mardi Gras ( Yağlı çərşənbə axşamı festivalı) festivalı əsasən ABŞ-da - Yeni Orleanda böyük şövqlə keçirilir və rəngarəng paradları, maskaları və musiqisi ilə məşhurdur. Festivalın kökləri Katolik ənənələrinə əsaslanır.

Songkran

Tailandda “Su festivalı” kimi də tanınan Songkran festivalı köhnə ili yuyub aparmaq üçün insanların bir-birinə su atdığı və mərhəmət göstərdiyi unikal bayramdır.

Braziliya karnavalı

Braziliya karnavalı dünyanın ən böyük karnavalı hesab edilir. Rio de Janeyronun küçələrində keçirilir, samba rəqsləri, rəngarəng kostyumlar və paradlarla zəngindir.

Oktoberfest

Oktoberfest festivalı dünyanın ən böyük pivə festivalı hesab olunur. Almaniyada Münhendə keçirilən bu festivalda minlərlə insan ənənəvi alman geyimləri ilə pivə, yemək və musiqidən zövq alır.

Yom Kippur

Yom Kippur festivalı yəhudi təqviminin ən müqəddəs günü hesab olunur. Təmizlənmə, dua və orucla keçirilir. İlahiyyat və insan vicdanı üzərində düşünmək üçün bir bayramdır.

İnti Raymi

Peruda keçirilən İnti Raymi (Günəş festivalı) ink mədəniyyətinə aiddir və günəşə hörmətini ifadə etmək, məhsuldarlığı artırmaq üçün keçirilir. Qədim adət-ənənələr hələ də qorunur.

Ölülər günü festivalı

“Ölülər günü" festivalı Meksikada keçirilir, həmin gün ailələr və dostlar bir araya gəlir, ölmüş əzizlərini yad etmək üçün rəngarəng maskalar və altarlar düzəldir, musiqi və rəqslə ruhları şərəfləndirir.

• Tanınmış amerikalı ulduz "Exorcist" filmində baş rolda
• "Buker"li hind qadın yazıçı: "Onlar üçün Qandi bəlkə də gözyaşardıcı qazdır..."
• Müğənni Samirə Əfəndi Akif Nağını məhkəməyə verəcək