31 may 2011-ci il, Bakı: İyunun 4-də çağdaş Azərbaycan ədəbiyyatının inkişafı naminə Milli Kitab Mükafatı (MKM) qaliblərinin elan olunması mərasimi keçiriləcək.

Martın 31-də ekspertlər tərəfindən seçilmış ən yaxşı 10 əsər (“qısa siyahı”) elan olunmışdur.

Bundan sonra MKM-in nizamnaməsinə əsasən, əsərlər 17 nəfərdən ibarət olan münsiflər şurasına təqdim olunmuşdur. Mükafatın münsiflər şurasında yazıçı Çingiz Abdullayev, yazıçı Afaq Məsud, kinorejissor Rüstəm İbrahimbəyov, Ayna-Zerkalo” qəzetinin baş redaktoru Elçin Şıxlı, kinorejissor Ramiz Fətəliyev, Xalq şairi Vagif Səmədoğlu, millət vəkili, BDU-nun professoru Rəbiyyət Aslanova, “525-ci” qəzetinin baş redaktoru Rəşad Məcid, “Xəzər” Universitetinin rektoru Hamlet İsaxanlı, aparıcı-jurnalist Nərgiz Cəlilova, prodüser Balakişi Qasımov, tarix elmləri doktoru, BDU-nun professoru Cəmil Həsənli, AMEA-nın müxbir üzvü professor Rafiq Əliyev, fəlsəfə elmləri doktoru, AİU-nın professoru Niyazi Mehdi, Qanun nəşriyyatının rəhbəri Şahbaz Xuduoğlu, kinorejissor Ayaz Salayev və rejissor Mehriban Ələkbərzadə ibarətdir. Münsiflər 10 ballıq sistemi ilə təqdim olunmuş əsərləri qiymətləndiriblər.

1-ci yerin üç min, 2-ci yerin iki min, 3-cü yerin qalibi isə min manat pul mükafatı ilə təltif olunacaq. Amerikanın Azərbaycandakı səfirliyi tərəfindən Amerika yazıçının ingilis dilindən Azərbaycan dilinə ən yaxşı tərcüməyə görə 1000 manat məbləğində mükafat veriləcək. www.mkm.az saytındaki internet səsvermənin qalibi xüsusi diplom ilə təltif olunacaq. Qaliblərin əsərləri çap olunacaq və ictimayyətə təqdim olunacaq.

MKM-in baş sponsoru “Bakcell” şirkəti, sponsorları “Unibank” ASC və “Əli və Nino” Nəşriyyat Evidir.

Tədbir iyunun 4-də saat 12-də Park İnn otelinin Dan Ulduzu zalında keçiriləcək. Tədbirə bütün jurnalistlər, yazıçılar və kitabsevərlər dəvətlidir.

• Məşhur aktyor vəfat edib
• Əməkdar artistlər nazirə şikayət etdilər
• Yuxularının rəsmini çəkən rəssam - Əgər belə də ola bilərsə, niyə olmasın?