Zərdüşt Şəfi anıldı

Sənət

Ana səhifə
Sənət

Zərdüşt Şəfi anıldı

20 noyabr 2012

17:52

Noyabrın 20-də Azərbaycan Yazıçılar Birliyində mərhum gənc yazar Zərdüşt Şəfinin xatirəsinə həsr olunmuş anım mərasimi keçirildi.

Birliyin Gənclər üzrə katibi Rəşad Məcid bildirdi ki, Zərdüştün şeirlərindən və nəsr yazılarından ibarət kitab nəşrə hazırlanır.

Tədbirdə mərhum yazarın öz səsindən şeirləri, müsahibələrindən parçalar səsləndirildi.

Yazar və jurnalistlər - Elçin Hüseynbəyli, Seyfəddin Hüseynli, İlqar Fəhmi, Qan Turalı, Qismət, Feyziyyə, Günel Xəzəl, Günel Eminli, Ülviyyə Heydərova və digərləri Zərdüşt Şəfi haqqında xatirələrini bölüşdülər.

Sonda “Mədəniyyət” kanalının Z.Şəfi haqda çəkdiyi “Cənab istedad” filmi nümayiş etdirildi. Filmin ssenari müəllifləri Mintac Elsevər və Ruslan Mollayevdir.

Zərdüşt Şəfi 1986-cı ildə Bakıda anadan olub. Qan xərçəngindən əziyyət çəkən yazar bu il avqustun 3-də Qəbələ rayonunu Bum qəsəbəsində dünyasını dəyişib.