“Uçur” filmi “Zolotoy Feniks”də göstəriləcək

Sənət

Ana səhifə
Sənət

“Uçur” filmi “Zolotoy Feniks”də göstəriləcək

27 avqust 2011

13:42

Azərbaycanlı rejissor Fuad İbrahimovun “Uçur” adlı filmi “Zolotoy Feniks” IV Ümumrusiya festivalında nümayiş olunacaq. Bir həftə davam edəcək festival bu gün – rus kino günündə Smolensk şəhərində işə başlayır.

“Uçur” adlı ekran əsərini Olqa Muxinanın eyniadlı pyesi əsasında lentə alınıb. Filmdə Aleksandr Ratnikov, Yevgeni Sıqanov, İrina Klimova, Pavel Barşak, Yevgeniya Osipova, Aleksey Barabaş və s. aktyorlar çəkiliblər.

Hadisələr Moskvanı xatırladan bir şəhərdə baş verir. Qəhrəmanlar – diceylər, prodüserlər, teleaparıcılar – qaynar, amma mənasız həyat sürən adamlardır. Onlar sevgi barədə çox danışsalar da, onu hiss etməyə qadir deyillər.

İnsanın kosmosa ilk uçuşunun 50 ildönümünə həsr olunan festivalda ümumilikdə 30 film nümayiş olunacaq. Müsabiqə proqramına 17 filmi daxil edilib.