İşığa qərq edəcək ömrümün gecəsini...

Poeziya

Ana səhifə
Poeziya

İşığa qərq edəcək ömrümün gecəsini... - Jerar de Nervaldan şeirlər

22 may 2026

13:00

Bu gün romantizm hərəkatının ən güclü nümayəndələrindən biri, məşhur fransız yazar, şair və səyyah Jerar de Nervalın doğum günüdür.

Kulis.az onun şeirlərini Hamlet Qocanın tərcüməsində təqdim edir.

DAYANACAQ

Səfər vaxtı ən gözəl yer dayanacaqdır,

İki mənzil arasına aləm düzülür.

Atlar çəkir, yol uzanır, qamçı səslənir,

Göz görməkdən doyur, bədən üzülür.

Dayanacaq - göz oxşayan gözəl bir çəmən,

Əlvan gül-çiçəyə bürünüb aləm.

Qovaq kölgəsində bulaqlar sızır,

Yolun yorğunluğu uçur gözündən.

Uzan bu çəməndə, həyatı dinlə,

Ləzzət al güllərin təravətindən,

Göyü heyran-heyran süzdüyün zaman

Bir səda gələcək yerdəkilərdən:

"Yolçu yolda gərək, getdik, ay adam!"

LÜKSEMBURQ XİYABANI

Bir qız çıxdı yoluma,

Süzdü qaranquş kimi.

Əlində əlvan çiçək,

Dilində şirin nəğmə,

Oda saldı qəlbimi.

Bəlkə onu gəzmişəm,

Sınayıb neçəsini.

İndi bircə baxışla,

İşığa qərq edəcək