Poeziya

Bir vaxtlar doğmam idi ad günüm - Anardan ad günü şeiri

Bir vaxtlar doğmam idi ad günüm - Anardan ad günü şeiri
14 mart 2026
# 11:04

Bu gün Xalq yazıçısı Anarın doğum günüdür.

Kulis.az Xalq yazıçısını 88 yaşının tamam olması münasibətilə təbrik edir və "Günün şeiri" layihəsindən onun "Ad günüm" şeirini təqdim edir.

Bir vaxtlar doğmam idi

ad günüm.

İndi ögey olubdu

yad günüm.

Zaman qürbətinə düşməyəydim

kaş, barı.

Qəribistandan betərdir qəbiristan

diyarı.

Ancaq yuxudan gəlir

İydənin yaz qoxusu.

Solubdu, saralıbdı

Yuxuların çoxusu.

İlişməyən qarmaqtək,

Qoparılmış yarpaqtək,

İtirilmiş torpaqtək,

Yada düşürlər bəzən

Gəncliyin ümidləri.

Keçmişin xoş günləri.

Yada düşürlər nələr,

Yandıran xatirələr.

Uzaqlardan səslənir

Həzin, yorğun musiqi.

Son akkorda hələ var.

Axı qarşıdan gəlir,

Novruz bayramı - bahar.

9 mart 2026

Anar Xalq yazıçısı
Kulis.az
Kulis.az
# 1463 dəfə oxunub

Oxşar xəbərlər

"Təlaşlı ürəyim heca-heca qan axıdır..." - Uelsli şairdən neoromantik şeir

"Təlaşlı ürəyim heca-heca qan axıdır..." - Uelsli şairdən neoromantik şeir

17:30 27 oktyabr 2026
"Beləsinə qələm verməsin Allah" - Gülxani Pənahın şeirləri

"Beləsinə qələm verməsin Allah" - Gülxani Pənahın şeirləri

15:30 27 oktyabr 2026
Kor qalıb verərdim gözümü sənə - Günün şeiri

Kor qalıb verərdim gözümü sənə - Günün şeiri

16:33 26 oktyabr 2026
"Ürək çoxkameralı yaşayış yeridir..." - Trevor Coysdan avanqard şeirlər

"Ürək çoxkameralı yaşayış yeridir..." - Trevor Coysdan avanqard şeirlər

15:30 26 oktyabr 2026
"Günün qürubunda adımı çağırma..." - Serb şairdən "Serenada"

"Günün qürubunda adımı çağırma..." - Serb şairdən "Serenada"

14:00 26 oktyabr 2026
"Tənha həyatım məni səhra kimi dövrələyir..." - Enn Karsonun şeirləri

"Tənha həyatım məni səhra kimi dövrələyir..." - Enn Karsonun şeirləri

14:00 25 oktyabr 2026
#
#
Ana səhifə Reels Yazarlar Xəbərlər