Bu gün ingilis şair, dramaturq, tənqidçi Con Draydenin doğum günüdür.
Kulis.az onun yaradıcılığından məhəbbətə dair sitatları təqdim edir.
Məhəbbət hər zəkada bir cür hökm edər: nadanı aydınladar, aqili isə kor eylər.
***
Siyasətçilər nə sevər, nə də nifrət edərlər.
***
Sevgi ağrısı digər bütün zövqlərdən qat-qat şirindir.
***
Məhəbbətin mükafatı elə məhəbbətin özüdür.
***
Sevgi bizim seçimimiz deyil, taleyimizin hökmüdür.
***
Böyük əzəmətlər kiçik başlanğıclardan cücərər.
***
Qocalmışam, xanımların sevgisinə layiq deyiləm artıq, lakin gözəlliyin qüdrəti hələ də yadımdadır.
***
Qoy mərhəmət və xeyirxahlıq duyğularının əsas cəzb mənbəyi olsun. Çünki məqsədli sevginin sonu mütləq gələr; həqiqi fəzilət üzərində qurulan sevgi isə əbədi yaşayar.
***
Sevgi elə bir ehtirasdır ki, şərəfi alovlandırıb nəcib əməllərə çevirər.
***
Məhəbbət ya bərabərlik tapar, ya da onu özü yaradar.
***
Sevgi əlacı olmayan bir dərddir.
***
Şükürlər olsun Tanrıya, elə bir zəmanədə yaşayırıq ki, sevgi yolunda təkcə səhnədə can verirlər.
***
Mənim sevgim alicənab bir dəlilikdir.
***
Ah, sevmək nə qədər şirindir! Ah, gənc arzular nə qədər coşqundur!
Eşq alovuna ilk dəfə yaxınlaşanda necə də ləzzətli ağrılar dadırıq!
***
Məhəbbət ölməklə yaşamağın yolunu tapdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
