Xalça Muzeyində Nəsimiyə həsr olunan sərgi keçiriləcək

Xalça Muzeyində Nəsimiyə həsr olunan sərgi keçiriləcək
20 sentyabr 2019
# 18:47

Sentyabrın 28-də Azərbaycan Milli Xalça Muzeyində II Nəsimi – şeir, incəsənət və mənəviyyat Festivalı çərçivəsində dahi söz ustadına həsr olunan xalça eskizi müsabiqəsinin yekun sərgisi açılacaq.

Ekspozisiyada müsabiqənin qalibi olan 3 əsər əsasında toxunan xalçalar, həmçinin təqdim edilən işlər arasından münsiflər heyətinin seçdiyi kreativ xalça eskizləri nümayiş olunacaq.

Müsabiqə barədə jurnalistlərə müsahibə verən Azərbaycan Milli Xalça Muzeyinin direktoru Şirin Məlikova bildirib ki, ölkə başçısının dahi Azərbaycan şairi İmadəddin Nəsiminin 650 illik yubileyinin qeyd edilməsi haqqında Sərəncamı və 2019-cu ili “Nəsimi ili” elan edilməsindən sonra muzey bu ilə töhfə vermək məqsədilə belə bir müsabiqə elan edib. Müsabiqədə yaşı 20-dən yuxarı yaradıcı şəxslər iştirak ediblər. Müsabiqəyə Azərbaycan, Fransa, İtaliya, Hindistan, Rusiya və digər ölkələr qatılıb. 51 eskiz arasından 3-ü qalib seçilib.

Qeyd edib ki, açılacaq sərgidə qalib olan xalçalarla bərabər, müsabiqəyə təqdim olunan bütün eskizlər də nümayiş olunacaq. “Maraqlı odur ki, müsabiqədə xarici rəssamların iştirak etməsinə baxmayaraq qaliblər yalnız Azərbaycandan seçilib”, -deyə Ş.Məlikova vurğulayıb.

Bildirib ki, Xalq rəssamı Eldar Mikayılzadə tərəfindən xüsusi olaraq Nəsimiyə həsr olunmuş xalça da toxunur. Burada rəssam ilk dəfə olaraq Nəsiminin yeni obrazını təqdim edəcək.

Müsabiqədə Fatimə Axundzadənin “Nəsimi yeli” eskizi I yer, Rühəngiz Bağırovanın “Məndə sığar iki cahan, mən bu cahana sığmazam” adlı işi II yer, Sürəyya Dadaşovanın “Göz yaşı” əsəri isə III yeri tutub. Müsabiqədə I və II yerlərin qaliblərini münsiflər heyəti müəyyən edib. III yerin qalibi isə muzeyin "Facebook" səhifəsində ən çox tamaşaçı səsi toplamış eskizin müəllifi olub. Hər üç qalib Azərbaycan Dövlət Rəssamlıq Akademiyasının tələbələridir.

Qeyd edək ki, müsabiqənin münsiflər heyətinə Əməkdar mədəniyyət işçisi, dosent Emin Məmmədov, Azərbaycan Xalça Muzeyinin direktoru, ICOM Azərbaycan Milli Komitəsinin sədri, Əməkdar mədəniyyət işçisi Şirin Məlikova, Nəsimi – şeir, incəsənət və mənəviyyat Festivalının əlaqələndiricisi, Əməkdar mədəniyyət işçisi Cahangir Səlimxanov, Xalq rəssamı Eldar Mikayılzadə, Əməkdar mədəniyyət işçisi Məmmədhüseyn Hüseynov daxildir. /azertag.az/

# 1727 dəfə oxunub

Oxşar xəbərlər

Azərbaycanda kino istehsalına yeni dövlət dəstəyi

Azərbaycanda kino istehsalına yeni dövlət dəstəyi

17:18 8 iyul 2025
Qədim Misirdə arxeloqları təəccübləndirən sirr

Qədim Misirdə arxeloqları təəccübləndirən sirr

16:30 8 iyul 2025
“Əziz ata”  tamaşasının premyerası baş tutacaq

“Əziz ata” tamaşasının premyerası baş tutacaq

15:50 8 iyul 2025
"Venesuelanın mənşəyi"  Bakıda təqdim edildi

"Venesuelanın mənşəyi" Bakıda təqdim edildi

15:30 8 iyul 2025
Pul, şöhrət, azadlıq... – Hamısı sizə bir siyahı uzaqlıqda

Pul, şöhrət, azadlıq... – Hamısı sizə bir siyahı uzaqlıqda

15:15 8 iyul 2025
“Dostoyevksi düzgün yanaşma tapmağa yardımçı olur...” – Cənubi Koreyalı moda eksperti

“Dostoyevksi düzgün yanaşma tapmağa yardımçı olur...” – Cənubi Koreyalı moda eksperti

14:30 8 iyul 2025
#
#
# # #