Azərbaycan Milli İncəsənət Muzeyi və Yasamal rayon Mərkəzləşdirilmiş Kitabxana Sisteminin birgə təşkilatçılığı ilə Azərbaycanın Xalq yazıçısı Elmira Axundovanın yaradıcılıq gecəsi keçirilib.

Kulis.az xəbər verir ki, tədbirin aparıcısı, tarix üzrə fəlsəfə doktoru, Yasamal rayon MKS-nin direktoru Lətifə Məmmədova qeyd edib ki, tanınmış qələm ustası, ictimai xadim, səfir, Azərbaycanın Xalq yazıçısı Elmira Axundovanın çox zəngin yaradıcılığı var.

“O, maraqlı və qeyri-adi həyat yolu keçib. Elmira xanım bədii publisistika janrında yazan yazıçıdır. Yazıçılar bu janra nadir hallarda müraciət edirlər. Bu gün hər birimiz üçün unikal imkan yaranıb ki, Xalq yazıçısı ilə birbaşa ünsiyyətdə olaq, onunla üzbəüz görüşək, təəssüratlarımızı bölüşək, suallar verək və yaradıcılıq planları ilə tanış olaq”, - o deyib.

Daha sonra çıxış edən Xalq yazıçısı Natiq Rəsulzadə Heydər Əliyev haqqında kitab yazmağın böyük xoşbəxtlik olduğunu qeyd edib: “Elmira xanımla uzun illərdir dostluq edirik. Onun haqqında çox danışmaq olar, amma mən əsasən, gördüyü işlərdən söz açmaq istəyirəm. Heydər Əliyev haqqında yazdığı altıcildlik kitab çox böyük zəhmətin nəticəsidir. Çünki Heydər Əliyev haqqında yazmaq böyük xoşbəxtlikdir”.

Tədbir bədii hissə ilə davam edib.

Sonda Xalq yazıçısı Elmira Axundova kitablarını tədbir iştirakçılarına hədiyyə edib.

• Əri üçün müsəlman oldu, amma boynundakı xaçı gizlətdi - "Lal ev"in böyük sirri
• "Modern Talking" qrupunun üzvü Bakıda
• Məğlub olsan da belə, yenə də möhtəşəmsən - Emil Verxarn