Moskvada Beynəlxalq Teatr İttifaqları Konfederasiyası MDB-yə üzv dövlətlərin Dövlətlərarası Humanitar Əməkdaşlıq Fondunun dəstəyi ilə A.P.Çexov adına XVI Beynəlxalq Teatr Festivalı çərçivəsində gənc rejissorların laboratoriyasını təşkil edib.

Kulis.az xəbər verir ki, laboratoriyada ölkəmizi Azərbaycan Dövlət Akademik Milli Dram Teatrının quruluşçu rejissoru Mehman Fətullayev və Azərbaycan Dövlət Kukla Teatrının quruluşçu rejissoru Anar Məmmədov təmsil ediblər.

Bu il laboratoriya Beynəlxalq Teatr İttifaqları Konfederasiyasının yaradıcısı və prezidenti Valeri Şadrinin xatirəsinə həsr olunub. Dram və Rejissorluq Mərkəzində 11 gün ərzində MDB ölkələrindən olan gənc aktyor və rejissorlar laboratoriyanın bədii rəhbəri, rejissor Vladimir Pankovun “saund drama” adlı müəllif üsulunu məmnuniyyətlə öyrəniblər.

Laboratoriyada Azərbaycanla yanaşı, Belarus, Qazaxıstan, Qırğızıstan, Moldova, Rusiya, Tacikistan, Özbəkistan və digər ölkələrin nümayəndələri də iştirak ediblər.

Qeyd edək ki, gənc teatr xadimləri üçün ilk laboratoriya 2008-ci ildə təşkil edilib, 2023-cü ildə keçirilən görüş sayca onuncu olub. Layihənin nəticəsi A.P.Çexovun hekayələri əsasında nümayiş etdirilən multikultural tamaşa olub. Tamaşa laboratoriyanın müəllimləri - Vladimir Pankov, Sergey Rodyukov, Artem Kim və Yekaterina Kislovanın rəhbərliyi altında kollektivlərin yaratdığı epizodlar əsasında hazırlanıb. Həmçinin laboratoriya iştirakçıları Çexov festivalının və Moskva teatrlarının proqramından ibarət olan tamaşalara baxmaq imkanı əldə ediblər.

azertag

• “Aşk-ı Memnu”nun aktrisası vəfat etdi
• Mühasirədən qalan çörək, Afrika maskaları, tarakanlar... - Dahilərin qəribə kolleksiyaları
• Xalq artisti Alim Qasımovla Üzeyir Mehdizadənin dueti - “Nəyindən narahatsan”