Azərbaycan Milli Elmlər Akademiyası (AMEA) Nizami Gəncəvi adına Ədəbiyyat İnstitutunun Ədəbi tənqid şöbəsinin aparıcı elmi işçisi, filologiya üzrə fəlsəfə doktoru, dosent Elnarə Qaragözovanın “Азербайджанская постмодернистская литература” (“Azərbaycan postmodern ədəbiyyatı”) adlı monoqrafiyası nəşr olunub.
Kulis.az xəbər verir ki, müəllifin altıncı, rus dilində isə ilk monoqrafiyası olan əsər institutun Elmi Şurasının 7 noyabr 2024-cü il tarixli, protokol № 6-sı ilə qəbul edilmiş qərar əsasında çap edilib.
Monoqrafiyanın elmi redaktoru AMEA-nın prezidenti, akademik İsa Həbibbəylidir. Kitabın rəyçiləri filologiya elmləri doktoru Vaqif Yusifli və filologiya elmləri doktoru, professor Rəhilə Qeybullayevadır. Nəşr müasir Azərbaycan ədəbiyyatında postmodernist poetikanın təzahürlərini sistemli şəkildə araşdıran ilk genişhəcmli tədqiqat əsəri kimi qiymətləndirilir.
Tədqiqatın strukturu “Giriş”, “Postmodernizm və milli ədəbiyyat konsepsiyası”, “Azərbaycan ədəbiyyatında postmodern paradiqma”, “Azərbaycan postmodern ədəbiyyatında dekonstruksiya və dekanonizasiya”, “Postmodern poetika Azərbaycan ədəbiyyatı kontekstində” və “Nəticə” bölmələrindən ibarətdir. Araşdırmada postmodernizm cərəyanı çoxplanlı şəkildə təhlil edilir və bu cərəyanın Azərbaycan ədəbiyyatında yeri ayrıca müəyyənləşdirilir.
Qeyd edək ki, monoqrafiya “Mütərcim” nəşriyyatı tərəfindən çap edilib və ümumilikdə 288 səhifədən ibarətdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər