Kulis.az məşhur Misir piramidaları haqqında maraqlı faktları təqdim edir.

Dünyanın yeddi möcüzəsindən biri sayılan qədim Misir piramidaları hələ də sirrini qorumağa və dünyanın diqqət mərkəzində qalmağa davam edir.

Xeops, Xefren və Mikorinos Piramidaları

Misir piramidaları - deyiləndə ilk olaraq Cizədə yerləşən Xeops, Xefren və Mikerinos piramidaları yada düşsə də, əslində söhbət qədim və orta Krallıq dövründə inşa edilmiş 100-dən artıq piramidadan gedir.

Xufu Piramidası

Xufu piramidası və ya Böyük piramida kimi tanınan Xeops 145,75 metr hündürlüyü ilə 4 min il ərzində dünyanın ən hündür tikilisi olub.

1900-cü illərin əvvəllərinə qədər isə Yer üzündəki ən böyük və möhtəşəm insan əli ilə yaradılmış abidə hesab edilirdi.

Coser Piramidası

Misir piramidalarının ilki e.ə. 2630-cu illərdə inşa edilən və pilləli quruluşuna görə “Addım piramidası” adlandırılan Cozer (Coser) piramidasıdır.

Bu tarixi abidənin memarı isə qədim Misirin tanınmış simalarından olan yazıçı, heykəltəraş və astronom İmxotep idi.

Sirri son dövrlərdə açıqlanan tikililər

Misir piramidalarının maraq dairəsində olmasının ən böyük səbəbi onların necə inşa edildiyinin hələ də tam anlaşıla bilməməsi və içərisində saysız-hesabsız sirlər gizlətməsidir.

Hətta bəzən onların Yer kürəsindən kənar varlıqlar tərəfindən inşa edildiyi ssenarilər də irəli sürülüb.

Lakin sonradan, minlərlə insanın əmək gücü ilə riyaziyyat, həndəsə və fizika qanunlarının mükəmməl şəkildə tətbiq olunmasının nəticəsi olduğu fikri qəbul edilib.

4000 illik heyrətləndirici, riyazi dahilik

4 min il əvvəl inşa olunmuş piramidaların riyazi dahiliyi 21-ci əsrin insanını da təəccübləndirməkdə davam edir.

Məsələn, Xeops piramidasının təməl küncləri birləşdirildikdə hər tərəfi 229 metr olan mükəmmələ yaxın bir kvadrat alınır və bu ölçülər arasındakı fərq cəmi 0,1 faizdən də azdır!

Sayı 2 milyondan çox, tonlarla ağırlığı olan daşlar

Cizədəki üç piramidada istifadə olunan daşlar yan-yana düzüləcək olsa, 3 metr hündürlüyündə və 30,48 santimetr qalınlığında bir divar kimi bütün Fransanı əhatə edə bilərdi.

Piramidaları təşkil edən daş blokların sayının isə 2 milyona çatdığı güman olunur.

10 mindən çox insan əməyi

Bir neçə ton ağırlığında olan daş blokların necə daşınıb yerləşdirildiyi məsələsi də uzun müddət müzakirə olunub.

Təxminlərə görə, hər bir daşı təxminən 20 nəfər qaldırıb və inşa prosesində ümumilikdə 10 minə yaxın insan çalışıb.

• Bağçalardakı səssiz zorakılıq
• Rəsul Rza mükafatı laureatlara təqdim olundu
• "Qadın cinsi ilə rəftar eləməyi bacarmayan..." - Şillerin "Məkr və məhəbbət"indən bir hissə