“Əylisi Makondaya çevirə bilməyən Əkrəm Əylisli bizim 60-cı illər ədəbi nəsli haqqında dediyimiz bütün tənqidi sözləri özünə götürüb. Düz edib. Mərd adamdır.”

Bu sözləri şair-yazıçı Aqşin Yenisey öz facebook hesabında Əkrəm Əylislinin onun ünvanına dediyi tənqidi fikirlərə münasibət bildirərək qeyd edib. O. daha sonra əlavə edib:

“Amma 1937-38-ci illərdən tutmuş Əkrəmin özünün də təmsil etdiyi 60-cılara qədər kimin kim olduğunu biz Əkrəm Əylislidən öyrənmişik. Əkrəm özü də 60-cılarla, yəni öz ədəbi nəsli ilə dalaşan adamdır. Bizim tənqidimizdən inciməyinin səbəbinə gəlincə, görünür, o, bu "60-cılar" etiketini üzərindən qoparmaq istəyir. Zalım mağaza müdirləri kimi vaxtı keçmiş ədəbiyyatına yeni etiket yapışdırmağa çalışır. Qəbul edə bilmir ki, o, XIX əsrin yazıçısıdır, XXI əsr cəhənnəm, heç XX əsr nəsr texnikasından xəbəri yoxdur. Reallığın estetik təsvirindənsə, romantik təsvirinə hayıl-mayıldır. Rafiq Tağının bir cümlədə dediyini altı yüz səhifədə deyir. Məni Azərbaycan elitasına (əgər varsa) Əkrəm Əylisli təqdim edib. Amma buna görə məndən ona yaltaqlanmağımı gözləyirsə, əsl Əylislidir. Hocam, vallah, mən də hamı kimi yaltaqlanmaq, özümə gün ağlamaq istəyirəm, amma on iki imam haqqı, bacarmıram, gün boyunca ağlamaq mənə qalır.”

• Bu “silikonlu Harvard məzunu”nu niyə TV-lərə buraxırlar?!
• Trampın betonla savaşı, İsanın anası və yəhudilər
• Orxan Fikrətoğlu: "Mən ruhumu satmamışam, amma ailəmi dolandırmalıyam" - Müsahibə