Aprelin 23-də Brüsseldə Azərbaycan səfirliyinin dəstəyi ilə təşkil olunan mədəniyyət tədbiri keçiriləcək. Tədbirdə Azərbaycan fotoqrafı Etibar Cəfərovun “Azərbaycanın rəngləri - multikulturalizm məkanı” adlı müəllif fotosərgisi təqdim ediləcək.
Kulis.az xəbər verir ki, sərgi Azərbaycanın zəngin mədəni irsinə həsr olunub və fotoqrafiyanın bədii dili ilə ölkənin etnik və dini müxtəlifliyini əks etdirir. Ziyarətçilər Odlar Yurdunun adət-ənənələrini, həyat tərzini və mədəni müxtəlifliyini təcəssüm etdirən əsərlərlə tanış olacaqlar.
Təşkilatçılar qeyd edirlər ki, sərgi mədəni dialoqu gücləndirmək və beynəlxalq əməkdaşlığı inkişaf etdirmək məqsədi daşıyır. Tədbirin həm yerli auditoriyanı, həm də diplomatik korpusun və yaradıcı ictimaiyyətin nümayəndələrini cəlb edəcəyi gözlənilir.
Bu əsərlər əvvəllər Finlandiya və İspaniyada (Barselona) təqdim olunub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
