Nəsimi ilə bağlı yeni kitab nəşr edildi

Nəsimi ilə bağlı yeni kitab nəşr edildi
19 dekabr 2019
# 13:46

Bu günlərdə "Şərq-Qərb" nəşriyyatında Azərbaycan Respublikasının Əməkdar elm xadimi Qəzənfər Paşayevin "Nəsimi: Edamdan sonrakı həyat" kitabı işıq üzü görüb.

Nəşriyyatın baş redaktoru Nərgiz Cabbarlının Kulis.az-a verdiyi məlumata görə, kitab Nəsimişünaslar və oxucular tərəfindən böyük maraqla qarşılanacaq: “Çünki bu nəşr şairin həyat və yaradıcılığı ilə bağlı bir çox məqamlara, xüsusən də onun edamı və "dönüklüyü" məsələsinə yeni rakursdan yanaşma ilə diqqət çəkir. Professor Qəzənfər Paşayev kitabında elm aləmi üçün yeni olan bir çox məsələdən söz açır”.

Onu da qeyd edək ki, kitabda "Nəsimi: edamdan sonrakı həyat", "Nəsimi obrazı bədii ədəbiyyatda", "Bədii fikir tariximizdə Nəsimi zirvəsi", "Nəsimi sənətinin folklor qaynaqları və aşıq şeiri qatlan", "Nəsimi irsinin tədqiqində yeni mərhələ" məqalələri tamamilə yeni elmi qənaətləri əks etdirir. N.Cabbarlının sözlərinə görə, kitabda ən maraqlı məqamlardan biri Nəsiminin edamı ilə bağlı din xadimlərinin fətva vermədiyi qənaətinin irəli sürülməsidir: “Halbuki bu məsələ ilə bağlı indiyə qədər irəli sürülən fərziyyə tamamilə fərqli idi. Bu səbəbdən və bir çox başqa məqamlara işıq saldığı üçün inanırıq ki, monoqrafiya oxucu və tədqiqatçılar tərəfindən maraqla qarşılanacaq”.

Kitaba həmçinin şairin divanının heç bir nüsxəsində təsadüf edilməyən 11 və yalnız bir divan nüsxəsində rast gəlinən 63 şeiri daxil edilmişdir. Kitabın ön sözünün müəllifi akademik Rafael Hüseynov, rəyçisi akademik Möhsün Nağısoyludur.

# 3078 dəfə oxunub

Oxşar xəbərlər

Ruslara qarşı vuruşan ilk qadın qiyamçının hekayəsi - Qəbulə xanım kim idi?

Ruslara qarşı vuruşan ilk qadın qiyamçının hekayəsi - Qəbulə xanım kim idi?

14:15 7 iyul 2025
“Jurassic World: Yenidən doğuluş” rekord  gəlir qazandı

“Jurassic World: Yenidən doğuluş” rekord gəlir qazandı

14:03 7 iyul 2025
"İndi daha çox kişilər ağ atlı şahzadə gözləyirlər" - Günel Novruz

"İndi daha çox kişilər ağ atlı şahzadə gözləyirlər" - Günel Novruz

12:59 7 iyul 2025
Direktor niyə maşınını işçilərə yudurdur? - Yalçın İslamzadə

Direktor niyə maşınını işçilərə yudurdur? - Yalçın İslamzadə

12:08 7 iyul 2025
"Tolstoy" festivalının builki mövzusu -  Ailə səadəti

"Tolstoy" festivalının builki mövzusu - Ailə səadəti

12:04 7 iyul 2025
Şəkinin 2713 illiyi  qeyd edildi

Şəkinin 2713 illiyi qeyd edildi

11:34 7 iyul 2025
#
#
# # #