Tanınmış rəssam, yazar Fərhad Yalquzaq əsərlərini pulsuz çəkəcək.

Kulis.az-ın verdiyi xəbərə görə, F.Yalquzaq bu barədə öz facebook profilində məlumat yayıb.

“2014-cü ildə bir aksiya keçirib 85 tablomu demək olar ki, pulsuz camaata paylamışdım. Məqsəd imkanı az olan insanlarımızın evində də rəsm əsərlərinin olması, ümumiyyətlə evlərin divarlarından rəsm əsərlərinin asılmasını təbliğ etmək idi. O zaman çoxsaylı minnətdarlıq məktubu aldım. Sonra isə, bildiyiniz kimi bir sürə sivilizasiyadan uzaqlaşıb dağlarda yaşadım. İndi yeni bir ideyam var: materialını özü alıb gətirən hər bir insan üçün bir tablo işləyəcəyəm.

F.Yalquzaq daha sonra bunları əlavə edib:

“Bu sizin üçün hazır tablo almaqdan qat-qat ucuz başa gələcək (hazır tablolarımın qiyməti ölçüsünə görə 300-2000 azn arasındadır). 5-6 tübik rəng, bir "Troynik" qarışdırıcı və çərçivəyə çəkilmiş hazır kətanın qiyməti isə 50 azn civarındadır. Gətirdiyiniz kətan üzərində işləyib özünüzə qaytaracağam. Məqsəd həm sizi sevindirmək, həm də öz sənətimi təbliğ etməkdir. Yeni tanışlıqlar, dostluqlar da qazanmaq öz yerində. Paylaşın ki, çox adam bu fürsətdən yararlansın. P.S. Yalnız yaradıcı işlər olacaq və sifarişlər qəbul olunmayacaq.”

• "Gülnisə kimi günahkar, əlləri ölümə bulaşmış ananın qızı olmaq..." - Samirə Əşrəf
• Kanye Uest ikinci dəfə adını dəyişdirdi
• Mən o kişini sevirəm - Günün şeiri