2027-ci il "Oskar" mükafatının namizədləri proqnozlaşdırıldı

Media

Ana səhifə
Media

2027-ci il "Oskar" mükafatının namizədləri proqnozlaşdırıldı – Təfərrüatlar

30 sentyabr 2026

15:30

Venesiya, Tellurayd və Toronto beynəlxalq film festivallarının yekunlaşması ilə 2027-ci il "Oskar" mükafatlarının "Ən yaxşı film" kateqoriyası üzrə iddialı ekran əsərlərinin ilkin siyahısı formalaşıb.

Kulis.az xəbər verir ki, "Vanity Fair" nəşrinin ekspertləri tərəfindən hazırlanan təhlilə əsasən, bu mərhələdə yeddiyə yaxın ekran işi mübarizədə ön sıraya keçib.

Xüsusilə Toronto Film Festivalında "Xalqın seçimi" mükafatını qazanan "Netflix" istehsalı, ispan dilində çəkilmiş "La Bola Negra" filmi ciddi sıçrayış edib.

Venesiya Film Festivalında Con Malkoviçə "Ən yaxşı kişi rolu" mükafatını qazandıran Martin Makdonanın "Wild Horse Nine" filmi və Cessi Ayzenberqin Culyanna Murun iştirakı ilə ərsəyə gətirdiyi "The Debut" dram-komediyası da əsas iddiaçılar sırasındadır.

Bununla yanaşı, Kannda "Qızıl Palma Budağı"na layiq görülən Norveç filmi "Fjord", Venesiyada Böyük Münsiflər Heyətinin Mükafatını qazanan Li Çan-donun "Possible Love" ekran əsəri və Pedro Paskalın baş rolda oynadığı "Behemoth!" filmlərinin də "Oskar" yarışında mövqelərini möhkəmləndirəcəyi gözlənilir.