"Xəmsə möcüzəsi" müsabiqəsinə start verildi

"Xəmsə möcüzəsi" müsabiqəsinə start verildi
16 yanvar 2021
# 11:15

Təhsil Nazirliyinin dəstəyi və 1 nömrəli Uşaq-Gənclər İnkişaf Mərkəzinin təşkilatçılığı ilə “Xəmsə möcüzəsi” onlayn beynəlxalq yaradıcılıq müsabiqəsinə start verilib.

Nazirlikdən Kulis.az-a bildirilib ki, klassik Azərbaycan ədəbiyyatının görkəmli nümayəndəsi və mütəfəkkiri Nizami Gəncəvinin 880 illik yubileyinə həsr olunan müsabiqə fevralın 18-dək davam edəcək. Müsabiqənin keçirilməsində məqsəd Azərbaycanda və digər ölkələrdə yaşayan gənc nəsli Nizami Gəncəvinin yaradıcılığı ilə incəsənətin müxtəlif sahələri vasitəsilə tanış etmək, onlarda klassik irsə məhəbbət hissi aşılamaqdır. Dahi şairin “Xəmsə”sinin süjetləri əsasında orta əsr Azərbaycan miniatür sənətinə maraq oyatmaq, təsviri-tətbiqi sənət növləri vasitəsilə bilik və bacarıqlarını formalaşdırmaqdan ibarətdir.

Mövcud pandemiya şəraiti ilə əlaqədar onlayn platformada təşkil olunan müsabiqənin 3 yaş qrupu (6-9, 10-13, 14-17) və 2 nominasiya – “Bədii qiraət” və “Təsviri-tətbiqi sənət” üzrə keçirilməsi nəzərdə tutulub. Müsabiqədə Azərbaycanda və digər türkdilli dövlətlərdə fəaliyyət göstərən ümumtəhsil məktəblərinin şagirdləri və məktəbdənkənar təhsil müəssisələrinin dərnək üzvləri iştirak edə bilərlər.

“Bədii qiraət” nominasiyası üzrə aşağıdakı tələblər nəzərə alınmalıdır:

- İştirakçı yaş qrupuna müvafiq olaraq müsabiqəyə yalnız bir şeir təqdim edə bilər;

- Şeirin müddəti 3-5 dəqiqədən çox olmamalıdır;

- Videogörüntü telefon, planşet və ya kamera ilə çəkilə bilər;

- Videogörüntülər mümkün qədər aydın və keyfiyyətli olmalıdır;

- İşlər göndərilərkən iştirakçının adı, soyadı, yaşı, təmsil etdiyi ölkə, təhsil müəssisəsinin adı və təqdim etdiyi işin adı qeyd olunmalıdır;

- İfa zamanı səhnə mədəniyyəti, aydın intonasiya, düzgün tələffüz, nitqin səlisliyi və ifadəliliyi, jest və mimikalardan, səs tonundan məqsədyönlü istifadə, təqdim etmə bacarığı kimi meyarlar nəzərə alınmalıdır.

“Bədii qiraət” nominasiyası üzrə işlər fevralın 11-dək nizamiganjavi2021@gmail.com elektron poçt ünvanına və (+994) 050-497-97-55 "WhatsApp" nömrəsinə göndərilməlidir.

“Təsviri-tətbiqi sənət” üzrə aşağıdakı tələblər nəzərə alınmalıdır:

- İşlərin işlənmə texnikası sərbəstdir;

- İşlərin formatına məhdudiyyət qoyulmur;

- İşlər göndərilərkən iştirakçının adı, soyadı, yaşı, təmsil etdiyi ölkə, təhsil müəssisəsinin adı, təqdim etdiyi işin adı və işlənmə texnikası qeyd olunmalıdır.

"Təsviri-tətbiqi sənət” nominasiyası üzrə işlər fevralın 11-dək ugim-1@mk.edu.az elektron poçt ünvanına və (+994)050-367-47-04 "WhatsApp" nömrəsinə göndərilməlidir.

Qeyd edək ki, müsabiqənin qalibləri diplom və sertifikatlarla təltif olunacaqlar. Qalib işlər sosial şəbəkələrdə, o cümlədən digər media qurumlarında geniş işıqlandırılacaq.

# 1790 dəfə oxunub

Oxşar xəbərlər

Röya xəbər səhifələrinə hücum edir

Röya xəbər səhifələrinə hücum edir

18:50 21 avqust 2025
Qırmızı Qəsəbədəki  qədim  yəhudi  qəbiristanlığı   rəqəmsallaşdırılacaq

Qırmızı Qəsəbədəki qədim yəhudi qəbiristanlığı rəqəmsallaşdırılacaq

18:10 21 avqust 2025
Çilidə Moai heykəlləri təhlükə ilə üzləşdi

Çilidə Moai heykəlləri təhlükə ilə üzləşdi

16:50 21 avqust 2025
"Ezel"in "Dayı"sı həbs edilə bilər

"Ezel"in "Dayı"sı həbs edilə bilər

16:30 21 avqust 2025
"Sənə cadu ediblər, ona görə ərə gedə bilmirsən..." - Seymur Baycan

"Sənə cadu ediblər, ona görə ərə gedə bilmirsən..." - Seymur Baycan

15:40 21 avqust 2025
“Qarınqulu ayı balası”nın Birobican şəhərində premyerası olub

“Qarınqulu ayı balası”nın Birobican şəhərində premyerası olub

15:30 21 avqust 2025
#
#
Ana səhifə Yazarlar Bütün xəbərlər